കൊട്ടിയൂരിൽ ആംബുലൻസ് കുരുങ്ങി; മൂന്നര വയസ്സുകാരൻ മരിച്ചു: കണ്ണീരോടെ നാട്

കണ്ണൂർ: (KVARTHA) കൊട്ടിയൂരിലെ ഗതാഗതക്കുരുക്കിൽപ്പെട്ട് ആശുപത്രിയിലെത്തിക്കാൻ വൈകിയതിനെ തുടർന്ന് മൂന്നര വയസ്സുകാരൻ ദാരുണമായി മരിച്ചു. ഞായറാഴ്ച ഉച്ചയ്ക്ക് പന്ത്രണ്ടോടെയാണ് സംഭവം. അമ്പായത്തോട് താഴെ പാൽച്ചുരം കോളനിയിലെ പ്രജോഷ്-ബിന്ദു ദമ്പതികളുടെ മകൻ പ്രജുലാണ് ചികിത്സ കിട്ടാതെ മരിച്ചത്.

ജന്മനാ അസുഖബാധിതനായിരുന്ന പ്രജുലിനെ അസുഖം മൂർച്ഛിച്ചതിനെ തുടർന്ന് 108 ആംബുലൻസിൽ ആശുപത്രിയിലേക്ക് കൊണ്ടുപോകുകയായിരുന്നു. എന്നാൽ, കൊട്ടിയൂരിലെ കനത്ത ഗതാഗതക്കുരുക്കിൽ ആംബുലൻസ് ഏറെ നേരം കുടുങ്ങി. കൃത്യസമയത്ത് ചികിത്സ ലഭിക്കാത്തതാണ് കുട്ടിയുടെ മരണത്തിന് കാരണമെന്ന് ബന്ധുക്കൾ ആരോപിച്ചു.

അവധി ദിവസമായ ഞായറാഴ്ച കൊട്ടിയൂർ ക്ഷേത്രത്തിൽ വലിയ ഭക്തജന തിരക്കാണ് അനുഭവപ്പെട്ടത്. മണിക്കൂറുകളോളം നീണ്ട വാഹനങ്ങളുടെ നിര റോഡിൽ ഗതാഗതം സ്തംഭിപ്പിച്ചു. കൊട്ടിയൂർ ഉത്സവത്തോടനുബന്ധിച്ച് മഴയുണ്ടായിട്ടും വലിയ തിരക്കാണ് ഇത്തവണ അനുഭവപ്പെടുന്നത്.

കൊട്ടിയൂരിലെ ഗതാഗതക്കുരുക്കിനെക്കുറിച്ച് നിങ്ങൾക്കെന്താണ് പറയാനുള്ളത്? നിങ്ങളുടെ അഭിപ്രായം പങ്കുവെക്കുക.

Article Summary (English): 3.5-year-old boy dies in Kottiyoor due to ambulance stuck in traffic.

#Kottiyoor #TrafficTragedy #ChildDeath #AmbulanceStuck #KeralaNews #HealthCrisis