കൂടാളി കുംഭത്ത് കാർ മരത്തിലിടിച്ചുണ്ടായ അപകടത്തിൽ പരിക്കേറ്റ് ചികിത്സയിലായിരുന്ന അഞ്ചാമത്തെ യുവാവും മരിച്ചു

കണ്ണൂർ: (KVARTHA) കൂടാളി കുംഭത്ത് കാർ മരത്തിൽ ഇടിച്ചുണ്ടായ അപകടത്തിൽ പരിക്കേറ്റ അഞ്ചാമത്തെ യുവാവും മരിച്ചു. തൃശൂർ സ്വദേശി ആദിത്യ കൃഷ്ണ ദേവ് (21) ആണ് മരിച്ചത്. കണ്ണൂർ ചാലയിലെ സ്വകാര്യ ആശുപത്രിയിൽ ഗുരുതരമായി പരിക്കേറ്റ് ചികിത്സയിലായിരുന്നു ആദിത്യ.

മരണം അഞ്ചായി

ജൂലൈ 10 വെള്ളിയാഴ്ച അർധരാത്രിയുണ്ടായ അപകടത്തിൽ ആദിത്യയുടെ സഹപാഠികളായ നാല് പേർ നേരത്തെ മരിച്ചിരുന്നു. ഇതോടെ അപകടത്തിൽ പെട്ട ഹോണ്ട സിറ്റി കാറിലുണ്ടായിരുന്ന മുഴുവൻ പേർക്കും ജീവൻ നഷ്ടമായി.

കണ്ണൂരിലേക്ക് വരുന്നതിനിടെ ദാരുണാന്ത്യം

അപകടത്തിൽ മരിച്ച ആദിത്യയുടെ സഹപാഠി ഷാൻ സിറാജിൻ്റെ കണ്ണൂർ അലവിലിലെ ബന്ധുവിൻ്റെ വിവാഹ ചടങ്ങിൽ പങ്കെടുക്കാനുള്ള യാത്രയിലായിരുന്നു ഇവർ. ബംഗ്ളൂരിൽ നിന്ന് കാറിൽ കണ്ണൂരിലേക്ക് വരികയായിരുന്ന സുഹൃദ് സംഘമാണ് അപകടത്തിൽപെട്ടത്.

പുതിയ വാർത്തകൾക്കായി ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. 

Article Summary: Adithya Krishna Dev (21), a native of Thrissur who was critically injured in a car accident at Koodali Kumbham in Kannur, has passed away while undergoing treatment at a private hospital in Chala. 

#KannurNews #KoodaliAccident #KeralaNews #RoadAccident #TragicDeath #AmmuNews