വാഹനാപകടത്തില്‍ പരിക്കേറ്റ ആം ആദ്മി വനിതാ നേതാവ് സന്തോഷ് കോലി അന്തരിച്ചു

ന്യൂഡല്‍ഹി: ആം ആദ്മി പാര്‍ട്ടിയുടെ സ്ഥാപക നേതാക്കളില്‍ ഒരാളും വനിതാ നേതാവുമായ സന്തോഷ് കോലി അന്തരിച്ചു. റോഡപകടത്തെ തുടര്‍ന്ന്  ഗുരുതരമായി പരിക്കേറ്റ് ചികിത്സയിലായിരുന്നു.  കഴിഞ്ഞ ജൂണ്‍ 30ന് കോലി സഞ്ചരിച്ചിരുന്ന ബൈക്കിനെ പിന്നില്‍ വരികയായിരുന്ന കാര്‍ ഇടിച്ചുവീഴ്ത്തുകയായിരുന്നു. അപകടത്തില്‍ കോലിക്ക് തലയ്ക്ക് ഗുരുതരമായി പരിക്കേറ്റിരുന്നു. ഡല്‍ഹിയില്‍ നടക്കാനിരിക്കുന്ന നിയമസഭാ തെരഞ്ഞെടുപ്പില്‍ സീമാപുരിയിലെ ആം ആദ്മി പാര്‍ട്ടിയുടെ സ്ഥാനാര്‍ഥിയായിരുന്നു സന്തോഷ് കോലി.

ആം ആദ്മി പാര്‍ട്ടി പ്രവര്‍ത്തകനായ കുല്‍ദീപിന്റെ ബൈക്കിന് പിറകിലിരുന്ന് യാത്ര ചെയ്യുകയായിരുന്നു കോലി. കൗശാംബി മെട്രോസ്‌റ്റേഷനു സമീപമെത്തിയപ്പോഴാണ് പിന്നില്‍ നിന്നും വന്ന കാറിടിച്ചു തെറിപ്പിച്ചത്. കോലിയെ ആരെങ്കിലും മന:പൂര്‍വം ഇടിച്ചുതെറിപ്പിക്കുകയായിരുന്നോ എന്ന് അന്വേഷിക്കണമെന്നും സംഭവത്തില്‍ ദുരൂഹതയുണ്ടെന്നും ആം ആദ്മി പാര്‍ട്ടി നേതാവ് കെജ്‌രിവാള്‍ ആരോപിച്ചിരുന്നു.

അപകടത്തെത്തുടര്‍ന്ന് ഇവര്‍ സഞ്ചരിച്ചിരുന്ന  ബൈക്ക് പൂര്‍ണമായും കത്തിനശിച്ചിരുന്നു. കുല്‍ദീപിനും സാരമായി പരിക്കേറ്റു. സുന്ദര്‍നഗരിമേഖലയില്‍ പാര്‍ട്ടിയുടെ മുഖ്യപ്രവര്‍ത്തകരിലൊരാളായിരുന്നു കോലി. സുന്ദര്‍ മേഖലയിലെ ഉയര്‍ന്ന വൈദ്യുതി നിരക്കിനെതിരെ കോലിയുടെ വീട്ടില്‍വെച്ച് കെജ്‌രിവാള്‍ പ്രതിഷേധ പരിപാടികള്‍ സംഘടിപ്പിച്ചിരുന്നു.

Also Read: 
പ്രസവത്തെ തുടര്‍ന്ന് ആശുപത്രിയില്‍ ചികിത്സയിലായിരുന്ന യുവതി മരിച്ചു


Keywords:   AAP leader Santosh Koli ,New Delhi, Accident, hospital, Treatment, Injured, Election, Accused, Obituary, National, Kerala, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.