കാസർകോട്ട് ബംഗ്ളൂരു യുവാവിന് ദാരുണാന്ത്യം: അനുജനെ രക്ഷിക്കാൻ കുളത്തിൽ ഇറങ്ങിയ ഫൈസാൻ്റെ ജീവൻ പൊലിഞ്ഞു, നാടിന് തീരാനോവായി വേർപാട്

കാസർകോട്: (KVARTHA) തളങ്കരയിലെ പള്ളിക്കുളത്തിൽ കുളിക്കാനിറങ്ങിയ അനുജനെ രക്ഷിക്കുന്നതിനിടെ ബെംഗളൂരു സ്വദേശിയായ 22 വയസ്സുകാരൻ ഫൈസാന് ദാരുണാന്ത്യം. ബുധനാഴ്ച ഉച്ചയോടെ നടന്ന ഈ സംഭവം കാസർകോടിനെയും ഫൈസാൻ്റെ കുടുംബത്തെയും കനത്ത ദുഃഖത്തിലാഴ്ത്തി. വിവാഹം നിശ്ചയിച്ചിരുന്ന ഫൈസാൻ്റെ ആകസ്മിക വിയോഗം നാടിന് തീരാനോവായി മാറി.

ബെംഗളൂരു ഡിജെഹള്ളി താനിറോഡിലെ മുജാഹിദിൻ്റെ മകനായ ഫൈസാൻ, കുടുംബത്തോടും പ്രതിശ്രുത വധുവിൻ്റെ വീട്ടുകാരുമൊപ്പം മാലിക് ദീനാർ പള്ളി സന്ദർശനത്തിനായി തളങ്കരയിൽ എത്തിയതായിരുന്നു. ചൊവ്വാഴ്ച വൈകുന്നേരത്തോടെ തളങ്കരയിലെത്തി മുറിയെടുത്ത് വിശ്രമിച്ചതിന് ശേഷം, ബുധനാഴ്ച രാവിലെ 11 മണിയോടെയാണ് അപകടം സംഭവിച്ചത്.

മാലിക് ദീനാർ പള്ളിക്കുളത്തിൽ കുളിക്കാനിറങ്ങിയ ഫൈസാൻ്റെ 18 വയസ്സുകാരനായ അനുജൻ സക്കലൈൻ കാൽവഴുതി കുളത്തിലെ കയത്തിലേക്ക് വീഴുകയായിരുന്നു. ശക്തമായ മഴ കാരണം കുളം നിറഞ്ഞു കവിഞ്ഞ നിലയിലായിരുന്നു. നീന്തൽ വശമില്ലാതിരുന്ന സക്കലൈൻ മുങ്ങിത്താഴുന്നത് കണ്ടയുടൻ, ഒരു നിമിഷം പോലും ആലോചിക്കാതെ ഫൈസാൻ അനുജനെ രക്ഷിക്കാൻ കുളത്തിലേക്ക് ചാടി. എന്നാൽ, ഫൈസാനും നീന്തൽ അറിയില്ലായിരുന്നു. നിമിഷങ്ങൾക്കകം ഇരുവരും വെള്ളത്തിൽ മുങ്ങിത്താഴുകയായിരുന്നു.

കുടുംബത്തിൻ്റെ നിലവിളി കേട്ട് ഓടിക്കൂടിയ ഓടിക്കൂടിയ നാട്ടുകാർ ഉടൻതന്നെ ഫയർഫോഴ്‌സിനെ വിവരമറിയിച്ചു. ഫയർഫോഴ്‌സ് സംഘം വേഗത്തിൽ സ്ഥലത്തെത്തി സക്കലൈനെ പുറത്തെത്തിച്ചെങ്കിലും, കുളത്തിനടിയിലെ ചെളിയിൽ താഴ്ന്നുപോയ ഫൈസാനെ കണ്ടെത്താനും പുറത്തെടുക്കാനും അൽപ്പം വൈകി. പുറത്തെടുത്ത് ഉടൻതന്നെ തൊട്ടടുത്ത മാലിക് ദീനാർ ആശുപത്രിയിൽ എത്തിച്ചെങ്കിലും ഫൈസാൻ്റെ ജീവൻ രക്ഷിക്കാനായില്ല. അനുജൻ സക്കലൈൻ ഇതേ ആശുപത്രിയിൽ ചികിത്സയിലാണ്.

കൺമുന്നിൽ നടന്ന ഈ ദാരുണമായ അപകടം ഫൈസാൻ്റെ കുടുംബത്തെയും, വിവാഹ സ്വപ്നങ്ങളുമായി ഒപ്പമെത്തിയ പ്രതിശ്രുത വധുവിനെയും തളർത്തിക്കളഞ്ഞു. ആശുപത്രിമുറി കൂട്ടനിലവിളിയുടെ വേദിയായി മാറി.

ഈ ദാരുണമായ സംഭവത്തെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക, 

Article Summary: Bengaluru youth drowns saving brother in Kasaragod pond.

#KasaragodTragedy, #DrowningAccident, #HeroicDeath, #Faizan, #MalikDinar, #KeralaNews