കണ്ണൂർ: (KVARTHA) കല്യാശ്ശേരിയിൽ പ്രഭാത നടത്തത്തിനിടയിൽ കാറിടിച്ച് വീട്ടമ്മ മരിച്ചു. പ്രഭാത സവാരിക്കിറങ്ങിയ കല്യാശ്ശേരി പാറക്കടവിലെ പി.കെ. സാവിത്രി (50) ആണ് മരിച്ചത്. 

വ്യാഴാഴ്ച അതിരാവിലെ 5.45ന് കല്യാശ്ശേരി പാറക്കടവ് പാലത്തിന് സമീപത്തുവെച്ചാണ് അപകടമുണ്ടായത്. കണ്ണൂർ ഭാഗത്തുനിന്ന് അമിത വേഗതയിലെത്തിയ കാറാണ് വീട്ടമ്മയെ ഇടിച്ച് തെറിപ്പിച്ചത്. 

പ്രഭാത സവാരി കഴിഞ്ഞ് വീട്ടിലെത്തുന്നതിന് 100 മീറ്റർ അകലെവെച്ചാണ് ദാരുണ സംഭവമുണ്ടായത്. ഗുരുതരമായി പരിക്കേറ്റ വീട്ടമ്മയെ നാട്ടുകാർ ആശുപത്രിയിലെത്തിച്ചുവെങ്കിലും ജീവൻ രക്ഷിക്കാനായില്ല.

പാറക്കടവിലെ ചെല്ലട്ടൻ വീട്ടിൽ എം.വി. മധുസൂധനൻ്റെ ഭാര്യയാണ് മരിച്ച സാവിത്രി. മകൾ: പി.കെ. ഗായത്രി. പാപ്പിനിശ്ശേരി വെസ്റ്റിലെ സി. ബാലൻ നമ്പ്യാരുടെയും പി.കെ. പത്മിനി അമ്മയുടെയും മകളാണ്. 

മൃതദേഹം വ്യാഴാഴ്ച വൈകീട്ട് ആറ് മണിയോടെ പാറക്കടവിലെ വീട്ടിലെത്തിക്കും. സംസ്കാരം രാത്രി എട്ടിന് പാളിയത്തുവളപ്പ് സമുദായ ശ്മശാനത്തിൽ നടക്കും.

Summary: P.K. Savithri (50) of Kalyassery, Parakkadavu, died after being hit by a speeding car during her morning walk. The accident occurred near the Parakkadavu bridge, just 100 meters from her home.

#KannurAccident, #RoadAccident, #MorningWalk, #Kalyassery, #KeralaNews, #TragicIncident