● കുത്തുപറമ്പ് പാട്യത്ത് വെച്ചാണ് സംഭവം.
● ഗുരുതര പരിക്കേറ്റ വൈഷ്ണവിനെ ആശുപത്രിയിലെത്തിച്ചെങ്കിലും രക്ഷിക്കാനായില്ല.
● ശനിയാഴ്ച വൈകുന്നേരം മൃതദേഹം സംസ്കരിച്ചു.
● റോഡുകളിൽ നായ ഭീഷണി വർധിക്കുന്നു.
കണ്ണൂർ: (KVARTHA) കുത്തുപറമ്പ് പാട്യത്ത് തെരുവ് നായ കുറുകെ ചാടിയതിനെത്തുടർന്ന് നിയന്ത്രണം വിട്ട സ്കൂട്ടർ മറിഞ്ഞ് യുവാവിന് ദാരുണാന്ത്യം. കാര്യാട്ടുപുറം കുട്ടമ്പള്ളി സ്വദേശി പവിത്രന്റെയും സിന്ധുവിന്റെയും മകൻ വൈഷ്ണവ് (23) ആണ് മരിച്ചത്.
ശനിയാഴ്ച രാവിലെയായിരുന്നു അപകടം. സ്കൂട്ടർ തെരുവ് നായയെ ഇടിക്കുകയും നിയന്ത്രണം വിട്ട് മറിയുകയുമായിരുന്നു. ഗുരുതരമായി പരിക്കേറ്റ വൈഷ്ണവിനെ നാട്ടുകാർ ഉടൻതന്നെ ആശുപത്രിയിലെത്തിച്ചുവെങ്കിലും ജീവൻ രക്ഷിക്കാനായില്ല.
ശനിയാഴ്ച വൈകുന്നേരം ആറുമണിക്ക് വലിയവെളിച്ചം വാതക ശ്മശാനത്തിൽ വെച്ച് മൃതദേഹം സംസ്കരിച്ചു.
തെരുവ് നായ ശല്യം ഒരു പൊതുപ്രശ്നമായി മാറിയിരിക്കുന്നു. നിങ്ങളുടെ അഭിപ്രായം പങ്കുവെക്കുക.
Article Summary: Young man dies in scooter accident caused by a stray dog in Kannur.
#KannurAccident #StrayDogMenace #RoadSafety #KeralaTragedy #ScooterAccident #PublicSafety
