കണ്ണൂർ മരക്കാർകണ്ടിയിൽ നിന്നും കാണാതായ നിർമ്മാണ തൊഴിലാളിയുടെ മൃതദേഹം കുറുവ പാലത്തിനടിയിലെ പുഴയിൽ കണ്ടെത്തി

കണ്ണൂർ: (KVARTHA) മരക്കാർകണ്ടിയിൽ നിന്നും കാണാതായ നിർമ്മാണ തൊഴിലാളിയുടെ മൃതദേഹം കുറുവ പാലത്തിനടിയിലെ പുഴയിൽ കണ്ടെത്തി. മരക്കാർകണ്ടി ഒറ്റമാവിലെ സൗഭാഗ്യം വീട്ടിൽ പ്രവീൺകുമാർ എന്ന ബാബു (50) വിനെയാണ് ശനിയാഴ്ച (ജൂൺ 27) രാവിലെ മരിച്ച നിലയിൽ കണ്ടെത്തിയത്. വീട്ടിൽനിന്ന് നാലുദിവസമായി ഇദ്ദേഹത്തെ കാണാതായതിനെ തുടർന്ന് ബന്ധുക്കൾ എടക്കാട് പോലീസിൽ പരാതി നൽകിയിരുന്നു. 

ഫയർഫോഴ്സ് മൃതദേഹം പുറത്തെടുത്തു

ജൂൺ 27-ന് രാവിലെ പുഴയിൽ മൃതദേഹം കിടക്കുന്നത് കണ്ടതിനെ തുടർന്ന് നാട്ടുകാരാണ് പോലീസിൽ വിവരമറിയിച്ചത്. തുടർന്ന് ഫയർഫോഴ്സ് സ്ഥലത്തെത്തിയാണ് മൃതദേഹം പുറത്തെടുത്തത്. പാലത്തിന് സമീപത്തു നിന്നും ഇദ്ദേഹത്തിൻ്റെ ചെരുപ്പുകൾ കണ്ടെത്തിയിരുന്നു. 

സീനിയർ ഫയർ ആൻഡ് റെസ്ക്യൂ ഓഫീസർ ശ്രീകാന്ത് പവിത്രൻ, ഫയർ ഓഫീസർമാരായ എ എഫ് ഷിജോ, കെ ശ്രീകേഷ്, കെ പി നസീർ, സച്ചിൻ, പ്രിമോഷ്, മനുപ്രസാദ് എന്നിവർ ചേർന്നാണ് മൃതദേഹം പുറത്തെടുത്തത്. മൃതദേഹം ഇൻക്വസ്റ്റ് നടപടികൾ പൂർത്തിയാക്കിയ ശേഷം പോസ്റ്റ്‌മോർട്ടത്തിനായി ജില്ലാ ആശുപത്രി മോർച്ചറിയിലേക്ക് മാറ്റിയിട്ടുണ്ട്.

അസ്വാഭാവിക മരണത്തിന് കേസ്

സംഭവത്തിൽ എടക്കാട് പോലീസ് അസ്വാഭാവിക മരണത്തിന് കേസെടുത്ത് വിശദമായ അന്വേഷണം ആരംഭിച്ചു. മരക്കാർകണ്ടി ഒറ്റമാവിലെ ബാലചന്ദ്രൻ്റെയും ശോഭയുടെയും മകനാണ് മരിച്ച പ്രവീൺകുമാർ. ബിന്ദു, ബവിത എന്നിവരാണ് സഹോദരങ്ങൾ. 

(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല. മാനസിക ബുദ്ധിമുട്ടുകൾ നേരിടുന്നുണ്ടെങ്കിൽ ദിശ ഹെൽപ്പ് ലൈൻ നമ്പറായ 1056 ലോ 14416 ലോ വിളിക്കുക).

പുതിയ വാർത്തകൾ അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. 

Article Summary: The body of a 50-year-old construction worker, who was reported missing for four days, was found in the Kuruva river in Kannur, and police have registered a case of unnatural death.

#KannurNews #FoundDead #MissingPerson #KeralaPolice #MalayalamNews #AmmuNews