കണ്ണൂർ ചാലയിൽ സ്കൂളിന് സമീപം നിർത്തിയിട്ട കാറിൽ യുവാവിനെ മരിച്ച നിലയിൽ കണ്ടെത്തി

കണ്ണൂർ: (KVARTHA) കണ്ണൂർ - കൂത്തുപറമ്പ് സംസ്ഥാന പാതയിൽ ചാല ഹൈസ്കൂളിന് സമീപം നിർത്തിയിട്ട കാറിൽ യുവാവിനെ മരിച്ച നിലയിൽ കണ്ടെത്തി. തന്നട കുണ്ടത്തിൽ സ്വദേശി കെ രജിൻ (35) ആണ് മരിച്ചത്. 

ഞായറാഴ്ച രാത്രി 10.30-ഓടെ ചാല ഹൈസ്കൂളിന് സമീപം റോഡരികിൽ നിർത്തിയിട്ടിരുന്ന സ്വന്തം കാറിലാണ് രജിനെ അബോധാവസ്ഥയിൽ കണ്ടെത്തിയത്. മരണകാരണം വ്യക്തമല്ലെന്നും പോസ്റ്റ്മോർട്ടത്തിന് ശേഷമേ യഥാർത്ഥ കാരണം ലഭ്യമാകൂവെന്നും പോലീസ് അറിയിച്ചു.

കുണ്ടത്തിൽ രാജൻ-കാഞ്ചന ദമ്പതികളുടെ മകനാണ്. സഹോദരി അഞ്ജു. പോലീസ് സ്ഥലത്തെത്തി തുടർ നടപടികൾ സ്വീകരിച്ചു. മൃതദേഹം പോസ്റ്റ്മോർട്ടം നടപടികൾക്കായി ആശുപത്രി മോർച്ചറിയിലേക്ക് മാറ്റിയിട്ടുണ്ട്.

കൂടുതൽ വാർത്തകൾ അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക.

Article Summary: K Rajin (35), a native of Tannada Kundathil, was found dead inside his car parked near Chala High School on the Kannur-Koothuparamba state highway on Sunday night; the cause of death is currently unclear and awaiting postmortem results.

#KannurNews #Chala #MalayalamNews #PoliceInvestigation #KeralaNews #DeathCase #KozhikodeRoad #Anjananews