മുണ്ടയാട് ബൈക്കപകടം: പുല്ലൂപ്പിക്കടവ് സ്വദേശിക്ക് ദാരുണാന്ത്യം

കണ്ണൂർ: (KVARTHA) കോർപ്പറേഷൻ പരിധിയിലെ മുണ്ടയാട് എളയാവൂർ പഞ്ചായത്ത് ഓഫിസ് പരിസരത്ത് ബൈക്കുകൾ കൂട്ടിയിടിച്ച് ഒരാൾ മരിച്ചു. രണ്ടുപേർക്ക് ഗുരുതരമായി പരിക്കേറ്റു.

പുല്ലൂപ്പിക്കടവ് കണ്ടന്റവിടെ ഉമ്മറിൻ്റെ മകൻ അബ്ദുൽ അസീസ് (40) ആണ് മരിച്ചത്. ഞായറാഴ്ച രാത്രി 9.30-ഓടെയാണ് അപകടം നടന്നത്.

അബ്ദുറഹ്‌മാൻ (36), എടക്കാട് സ്വദേശി ഗോകുൽ (25) എന്നിവർക്കാണ് പരിക്കേറ്റത്. വാരം ഭാഗത്തേക്ക് പോവുകയായിരുന്ന അസീസും അബ്ദുറഹ്‌മാനും സഞ്ചരിച്ച ബൈക്കും, എതിർദിശയിൽ വന്ന ഗോകുൽ സഞ്ചരിച്ച ബൈക്കും തമ്മിലാണ് കൂട്ടിയിടിച്ചത്.

ഗുരുതരമായി പരിക്കേറ്റ മൂന്നുപേരെയും ഉടൻ തന്നെ ചാലയിലെ സ്വകാര്യ ആശുപത്രിയിൽ എത്തിച്ചെങ്കിലും അസീസിൻ്റെ ജീവൻ രക്ഷിക്കാനായില്ല. മൃതദേഹം പോസ്റ്റുമോർട്ടം നടപടികൾക്കായി ആശുപത്രി മോർച്ചറിയിലേക്ക് മാറ്റി.

റോഡപകടങ്ങൾ ഒഴിവാക്കാൻ എന്ത് ചെയ്യണം എന്നതിനെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക.

Article Summary: One dead, two injured in a bike accident in Kannur.

#Kannur #BikeAccident #RoadSafety #Kerala #AccidentNews #Mundayad