Obituary | ജമ്മു കശ്മീരില്‍ ഡെങ്കിപ്പനി ബാധിച്ചു മരിച്ച മലയാളി സൈനികന്‍ ലാന്‍സ് നായിക് അഖില്‍ കുമാറിന്റെ മൃതദേഹം ശനിയാഴ്ച നാട്ടിലെത്തിക്കും
Nov 11, 2022, 20:26 IST
ADVERTISEMENT
കൊച്ചി: (www.kvartha.com) ജമ്മു കശ്മീരില്‍ ഡെങ്കിപ്പനി ബാധിച്ചു മരിച്ച മലയാളി സൈനികന്‍ ലാന്‍സ് നായിക് അഖില്‍ കുമാറിന്റെ മൃതദേഹം ശനിയാഴ്ച നാട്ടിലെത്തിക്കും. വൈക്കം സ്വദേശിയാണ്. രാവിലെ എട്ടരയോടെ നെടുമ്പാശേരി വിമാനത്താവളത്തില്‍ എത്തിക്കുന്ന മൃതദേഹം, വൈക്കം മറവന്‍തുരുത്തിലെ വസതിയില്‍ എത്തിച്ച് ഔദ്യോഗിക ബഹുമതികളോടെ സംസ്‌കരിക്കും. സേനയിലെ പ്രതിനിധികള്‍ മൃതദേഹത്തെ അനുഗമിക്കുന്നുണ്ട്.
വൈക്കം അരുണ്‍ നിവാസില്‍ അനില്‍കുമാറിന്റെ മകനാണ് അഖില്‍. പനി ബാധിച്ചു മൂന്നു ദിവസം പിന്നിട്ടപ്പോഴേയ്ക്കും അഖിലിന്റെ നില ഗുരുതരമായി. തുടര്‍ന്ന് കശ്മീരില്‍നിന്നു ഡെല്‍ഹിയിലെ സൈനിക ആശുപത്രിയില്‍ എത്തിക്കുകയായിരുന്നു. ഒമ്പതാം തീയതി മുതല്‍ തീവ്രപരിചരണ വിഭാഗത്തില്‍ ചികിത്സയില്‍ കഴിയുന്നതിനിടെയാണ് മരണം സംഭവിച്ചത്. അവിവാഹിതനാണ്. അമ്മ: കമലമ്മ, സഹോദരി: അര്‍ചന.
Keywords: Jammu Kashmir: Malayalee soldier died due to dengue, Kochi, News, Dead, Dead Body, Obituary, Kerala.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
