മലയാളി യുവാവ് ജിദ്ദയില്‍ ഹൃദയാഘാതം മൂലം മരിച്ചു

ജിദ്ദ : (www.kvartha.com 04.02.2018) മലപ്പുറം സ്വദേശിയും സജീവ സുന്നി പ്രവര്‍ത്തകനുമായ യുവാവ് ജിദ്ദയില്‍ ഹൃദയാഘാതം മൂലം മരിച്ചു. വേങ്ങര കണ്ണമംഗലം അച്ചമ്പലം മാണിതൊടിക മുഹമ്മദിന്റെ മകന്‍ ഇബ്രാഹിം (27) ആണ് മരിച്ചത്. ജിദ്ദയിലെ തൂവലില്‍ സൂപ്പര്‍ മാര്‍ക്കറ്റ് ജീവനക്കാരനായിരുന്നു. നാട്ടിലേക്ക് മടങ്ങാനിരിക്കെയാണ് മരണം.


നാട്ടിലും വിദേശത്തും സജീവ സുന്നി സംഘടനാ പ്രവര്‍ത്തകനായിരുന്നു. ജോലി ആവശ്യാര്‍ത്ഥം വിദേശത്തേക്കു പോകുന്നതിനു മുമ്പ് നാട്ടില്‍ സുന്നി സംഘടനാ പ്രവര്‍ത്തനങ്ങളിലെ സജീവ സാന്നിധ്യമായിരുന്നു ഇബ്രാഹിം. പിന്നീട് ജിദ്ദയിലേക്ക് പോയെങ്കിലും അവിടെയും സംഘടനാ പ്രവര്‍ത്തനങ്ങളില്‍ സജീവമായിരുന്നു.

മയ്യിത്ത് നാട്ടിലെത്തിക്കാനുള്ള നടപടികള്‍ ആരംഭിച്ചതായി ബന്ധുക്കള്‍ അറിയിച്ചു. അടുത്തിടെയാണ് ഇബ്രാഹിം വിവാഹിതനായത്.

ഉമ്മ: ഇത്തീമു. ഭാര്യ: സിബില നര്‍ഗീസ്. സഹോദരങ്ങള്‍: മുഹ് യുദ്ധീന്‍, റാബിഹ സല്‍മത്ത്, ഹാജറ.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങaളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

Keywords:  Malappuram, Jeddah, Kerala, News, Death, Obituary, Indian man killed in Saudi Arabia.