നാറാത്ത് പഞ്ചായത്ത് മുൻ പ്രസിഡന്റ് കെ വി മൊയ്തീൻ നിര്യാതനായി

നാറാത്ത്: (KVARTHA) നാറാത്ത് പഞ്ചായത്ത് മുൻ പ്രസിഡന്റും സിപിഎം നേതാവുമായ നാന്തുരുത്തി കെ വി മൊയ്തീൻ (80) നിര്യാതനായി. സഖാവ് മേമിക്ക എന്ന പേരിൽ രാഷ്ട്രീയ-സാമൂഹിക രംഗത്ത് സജീവമായിരുന്നു അദ്ദേഹം.

നാറാത്ത് പഞ്ചായത്ത് പ്രസിഡൻ്റെന്ന നിലയിൽ മികച്ച പ്രവർത്തനങ്ങൾ കാഴ്ചവെച്ച അദ്ദേഹം സിപിഎം അവിഭക്ത നാറാത്ത് ലോക്കൽ കമ്മിറ്റി അംഗമായിരുന്നു. കർഷകസംഘം മയ്യിൽ ഏരിയ കമ്മിറ്റിയംഗം, നാറാത്ത് വില്ലേജ് പ്രസിഡന്റ്, സിപിഎം നാറാത്ത് ബ്രാഞ്ച് സെക്രട്ടറി തുടങ്ങി നിരവധി ഉത്തരവാദിത്തങ്ങൾ അദ്ദേഹം വഹിച്ചിട്ടുണ്ട്. 

പരേതരായ അബ്ദുല്ല ഹാജി - ഖദീജ ദമ്പതികളുടെ മകനാണ്. ഭാര്യ: ജമീല. മക്കൾ: ജംഷീർ, ഷംസീർ. മരുമക്കൾ: നാസില, ഷംന. സഹോദരങ്ങൾ: പരേതയായ മുഹമ്മദ് കുഞ്ഞി (ഖദീജ ഗോൾഡ്), ഖാദർ, ആയിഷ, റാബിയ.

ഖബറടക്കം ബുധനാഴ്ച വൈകിട്ട് മൂന്ന് മണിക്ക് നാറാത്ത് ജുമാ മസ്ജിദ് ഖബർസ്ഥാനിൽ നടക്കും. രാഷ്ട്രീയ-സാമൂഹിക രംഗത്തെ പ്രമുഖർ അദ്ദേഹത്തിൻ്റെ വിയോഗത്തിൽ അനുശോചനം രേഖപ്പെടുത്തി.

വാർത്തകൾ അറിയാൻ ഞങ്ങളുടെ വാട്സ്ആപ്പ് ചാനലും ഫേസ്ബുക്ക് പേജും ഫോളോ ചെയ്യുക.

Article Summary: Former Narath Panchayat President and CPI(M) leader KV Moideen, popularly known as Memikka, passed away at the age of 80.

#Narath #KVMoideen #CPMKerala #Obituary #MalayalamNews #BreakingNews #KannurNews #Memikka #KarshakaSangham #PanchayatPresident