പരിക്കേറ്റ ഫുട്‌ബോള്‍ താരം മരിച്ചു

Channel Group

By Web Desk Pre Jul 4, 2012, 08:00 IST

മലപ്പുറം: ഫുട്‌ബോള്‍ കളിക്കിടെ പരിക്കേറ്റ് ചികിത്സയിലായിരുന്ന യുവാവ് മരിച്ചു. വണ്ടൂരിന് സമീപം നടുവത്ത് കടമ്പത്ത് ദിനേശ(34)നാണ് മരിച്ചത്. ജൂണ്‍ 29ന് നടുവത്ത് മൂച്ചിക്കല്‍ ഗ്രൗണ്ടിലായിരുന്നു ദിനേശിന് പരിക്കേറ്റത്. കളിക്കിടെ കൂട്ടിയിടിച്ച് വീണ ദിനേശനെ പെരിന്തല്‍മണ്ണയിലെ സ്വകാര്യാശുപത്രിയിലും തുടര്‍ന്ന് കോഴിക്കോട് മെഡിക്കല്‍കോളേജ് ആശുപത്രിയില്‍ പ്രവേശിപ്പിക്കുകയായിരുന്നു.

ഗോളിയുമായുണ്ടായ കൂട്ടിയിടിയില്‍ വയറിന് പരിക്കേറ്റ് കുടല്‍ പൊട്ടിയതാണ് മരണകാരണം. മെഡിക്കല്‍ കോളേജില്‍ ദിനേശനെ ശസ്ത്രക്രിയയ്ക്ക് വിധേയനാക്കിയിരുന്നു.

സ്വര്‍ണ്ണപ്പണിക്കാരനായ ദിനേശ് അവിവാഹിതനാണ്. നാട്ടിലെ അറിയപ്പെടുന്ന ഫുട്‌ബോള്‍ കളിക്കാരനായിരുന്നു. നടുവത്ത് ജെ.വൈ.കെ.എസ് ക്ലബ്ബ് ടീം അംഗമാണ്. അച്ഛന്‍ : വേലു. അമ്മ: ജാനകി. സഹോദരങ്ങള്‍: രാജകുമാരി, സത്യഭാമ, പരമേശ്വരന്‍, ശോഭന, സുരേഷ്‌കുമാര്‍, ശ്രീജ, അനീഷ്.

Keywords: Football Player, Malappuram, Obituary, Kerala

ഇവിടെ വായനക്കാർക്ക് അഭിപ്രായങ്ങൾ രേഖപ്പെടുത്താം. സ്വതന്ത്രമായ ചിന്തയും അഭിപ്രായ പ്രകടനവും പ്രോത്സാഹിപ്പിക്കുന്നു. എന്നാൽ ഇവ കെവാർത്തയുടെ അഭിപ്രായങ്ങളായി കണക്കാക്കരുത്. അധിക്ഷേപങ്ങളും വിദ്വേഷ - അശ്ലീല പരാമർശങ്ങളും പാടുള്ളതല്ല. ലംഘിക്കുന്നവർക്ക് ശക്തമായ നിയമനടപടി നേരിടേണ്ടി വന്നേക്കാം.

പരിക്കേറ്റ ഫുട്‌ബോള്‍ താരം മരിച്ചു

Tags

Share this story

Featured

Recommended