ഡ്യൂട്ടി കഴിഞ്ഞ് മടങ്ങവേ അപകടം; വാഹനാപകടത്തിൽ ഗുരുതര പരുക്കേറ്റ് ചികിത്സയിലായിരുന്ന ദേശാഭിമാനി ലേഖകൻ രാഗേഷ് കായലൂർ അന്തരിച്ചു

കണ്ണൂർ: (KVARTHA) വാഹനാപകടത്തിൽ ഗുരുതര പരുക്കേറ്റ് ചികിത്സയിലായിരുന്ന ദേശാഭിമാനി ലേഖകൻ രാഗേഷ് കായലൂർ (51) അന്തരിച്ചു. ദേശാഭിമാനി കണ്ണൂർ ബ്യൂറോയിലെ ലേഖകനും മട്ടന്നൂർ ചാവശേരി കായലൂരിലെ ശ്രീനിലയത്തിൽ താമസക്കാരനുമായ രാഗേഷ്, ചികിത്സയിലിരിക്കെയാണ് മരണത്തിന് കീഴടങ്ങിയത്. 

ഞായറാഴ്ച രാത്രി ഒൻപത് മണിയോടെ ഡ്യൂട്ടി കഴിഞ്ഞ് വീട്ടിലേക്ക് മടങ്ങുമ്പോൾ, മട്ടന്നൂർ – ഇരിട്ടി റോഡിൽ കോടതിക്ക് സമീപത്തുണ്ടായ അപകടത്തിലാണ് അദ്ദേഹത്തിന് പരുക്കേറ്റത്. 
 

കടയിൽ നിന്ന് സാധനങ്ങൾ വാങ്ങി റോഡ് മുറിച്ചുകടക്കുന്നതിനിടെ ഒരു ടോറസ് ചരക്ക് ലോറി അദ്ദേഹത്തെ ഇടിക്കുകയായിരുന്നു. ഗുരുതരമായി പരുക്കേറ്റ രാഗേഷിനെ ഉടൻതന്നെ കണ്ണൂർ എ.കെ.ജി. ആശുപത്രിയിലും തുടർന്ന് കണ്ണൂർ ചാലയിലെ മിംസ് ആശുപത്രിയിലും പ്രവേശിപ്പിച്ചു. എന്നാൽ, ചൊവ്വാഴ്ച രാത്രി 7.30 ഓടെ അദ്ദേഹത്തിന്റെ അന്ത്യം സംഭവിക്കുകയായിരുന്നു.

ദീർഘകാലം ദേശാഭിമാനി മട്ടന്നൂർ ഏരിയാ ലേഖകനായിരുന്ന രാഗേഷ്, 2008-ൽ ദേശാഭിമാനി കണ്ണൂരിൽ പ്രൂഫ് റീഡറായി ജോലിയിൽ പ്രവേശിച്ചു. ദേശാഭിമാനി കാസർകോട് ബ്യൂറോയിലും റിപ്പോർട്ടറായി പ്രവർത്തിച്ചിട്ടുണ്ട്. വ്യവസായ മന്ത്രിയായിരുന്ന ഇ.പി. ജയരാജന്റെ പേഴ്സണൽ സ്റ്റാഫിലും രാഗേഷ് കായലൂർ അംഗമായിരുന്നു.

ഈ വാർത്തയെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക.
 

Article Summary: Deshabhimani reporter Ragesh Kayaloor (51) passed away after sustaining severe injuries in a road accident while returning from duty in Kannur.
 

#RageshKayaloor #Deshabhimani #KannurNews #RoadAccident #JournalistDemise #KeralaNews