പ്രമുഖ ഛായാഗ്രാഹകൻ ഷാജികുമാർ അന്തരിച്ചു; വിടവാങ്ങിയത് 'ഒറ്റക്കൊമ്പൻ' അടക്കമുള്ള ചിത്രങ്ങൾ പുറത്തിറങ്ങാനിരിക്കെ

കണ്ണൂർ: (KVARTHA) 'അതിമനോഹരം', 'ഒറ്റക്കൊമ്പൻ' എന്നീ ചിത്രങ്ങൾ പുറത്തിറങ്ങും മുൻപാണ് പ്രമുഖ ഛായാഗ്രാഹകൻ ഷാജികുമാറിന്റെ (57) വിയോഗം. രണ്ടു ദിവസം മുൻപ് കൊച്ചിയിലെ ഒരു സിനിമാ സെറ്റിൽ നിന്ന് കുഴഞ്ഞുവീണ അദ്ദേഹത്തെ സഹപ്രവർത്തകർ കൊച്ചിയിലെ സ്വകാര്യ ആശുപത്രിയിലെത്തിച്ചിരുന്നു. ഹൃദ്രോഗത്തെ തുടർന്ന് ആദ്യത്തെ അറ്റാക്കിൽ നിന്ന് മോചിതനായി ഐ.സി.യു.വിൽ നിന്ന് മുറിയിലേക്ക് മാറാനിരിക്കെയാണ് വീണ്ടും അവശ നിലയിലായത്. കേന്ദ്ര സഹമന്ത്രിയും നടനുമായ സുരേഷ് ഗോപി ഉൾപ്പെടെയുള്ള ചലച്ചിത്ര പ്രവർത്തകർ ഷാജികുമാറിനെ ആശുപത്രിയിൽ സന്ദർശിച്ചിരുന്നു. സുരേഷ് ഗോപി നായകനായ ബിഗ് ബജറ്റ് ചിത്രം 'ഒറ്റക്കൊമ്പൻ്റെ' ക്യാമറാമാനായിരുന്നു ഷാജികുമാർ.

ക്യാമറയ്ക്ക് പിന്നിലെ മികവ്

പുലിമുരുകൻ, തുടരും അടക്കം മലയാളത്തിലെ പല മാസ് ചിത്രങ്ങൾക്കും ദൃശ്യഭംഗി പകർന്ന സിനിമാറ്റോഗ്രാഫറായിരുന്നു അദ്ദേഹം. ആക്ഷൻ രംഗങ്ങൾ വെള്ളിത്തിരയിലെത്തിക്കുന്നതിൽ അദ്ദേഹം ശ്രദ്ധേയനായിരുന്നു. പുലിമുരുകൻ, നരൻ, ഒടിയൻ, മധുരരാജ, പത്തൊൻപതാം നൂറ്റാണ്ട് തുടങ്ങി അമ്പതിലേറെ ചിത്രങ്ങൾ ഷാജി കുമാറിൻ്റെ ദൃശ്യമിഴിവിലൂടെയാണ് പ്രേക്ഷകരിലേക്ക് എത്തിയത്.

ബാന്ദ്ര, ഇട്ടിമാണി മെയ്ഡ് ഇൻ ചൈന, രാമലീല, കസിൻസ്, സൗണ്ട് തോമ, കിങ് ആൻഡ് ദി കമ്മീഷണർ തുടങ്ങിയ ചിത്രങ്ങൾ ദൃശ്യഭംഗി കൊണ്ട് ശ്രദ്ധേയമായി. മോഹൻലാൽ, മമ്മൂട്ടി തുടങ്ങിയ താരങ്ങളുടെ പ്രകടനത്തിനൊപ്പം ദൃശ്യമിഴിവും ശ്രദ്ധിക്കപ്പെടുന്ന രീതിയിലായിരുന്നു അദ്ദേഹത്തിൻ്റെ ഫ്രെയിമിങ്. 2001-ൽ പുറത്തിറങ്ങിയ ജയറാം ചിത്രമായ 'ഉത്തമനി'ലൂടെയാണ് ഷാജികുമാർ സ്വതന്ത്ര ഛായാഗ്രാഹകനായി സിനിമാ രംഗത്തെത്തിയത്.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും പങ്കുവെക്കുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം

Article Summary: Renowned Malayalam cinematographer Shaji Kumar (57) passed away in Kochi.

#Kvartha #ShajiKumar #MalayalamCinema #Cinematographer #Ottakomban #Pulimurugan #MalayalamNews #AmmuNews