ബൈക്കിൽ കാറിടിച്ച് യുവാവിന് ദാരുണാന്ത്യം; ഇടിച്ച വാഹനം നിർത്താതെ പോയി, റോഡിൽ കിടന്നത് 15 മിനുറ്റ്

ചേർത്തല: (KVARTHA) സുഹൃത്തിൻ്റെ വിവാഹച്ചടങ്ങിൽ പങ്കെടുത്ത ശേഷം മടങ്ങുകയായിരുന്ന യുവാക്കൾ സഞ്ചരിച്ച ബൈക്കിൽ കാറിടിച്ച് ഒരാൾ മരിച്ചു. തണ്ണീർമുക്കം പഞ്ചായത്ത് പണ്ടാരപ്പാട്ടത്തിൽ പ്രകാശിൻ്റെയും മിനിയുടെയും മകൻ ശിവപ്രകാശ് (29) ആണ് മരിച്ചത്. ഒപ്പമുണ്ടായിരുന്ന സുഹൃത്ത് തണ്ണീർമുക്കം സ്വദേശി വിഷ്ണു മുരളിക്ക് (27) ഗുരുതരമായി പരിക്കേറ്റു. 

ചേർത്തല വാരനാട്–ചെങ്ങണ്ട റോഡിൽ ചെങ്ങണ്ട വളവിൽ വെച്ചായിരുന്നു ദാരുണമായ അപകടം സംഭവിച്ചത്. ശിവപ്രകാശാണ് ബൈക്ക് ഓടിച്ചിരുന്നത്. ഇരുവരും സഞ്ചരിച്ച ബൈക്കിൻ്റെ പിന്നിൽ കാർ ഇടിക്കുകയായിരുന്നു. ബൈക്കിൽ കാറിടിച്ചതിൻ്റെ ആഘാതത്തിൽ റോഡിലേക്ക് തെറിച്ചുവീണതാണ് ശിവപ്രകാശിന് ഗുരുതരമായി പരിക്കേൽക്കാൻ കാരണമായത്. അപകടമുണ്ടാക്കിയ കാർ നിർത്താതെ പോയി.

റോഡിൽ കിടന്നത് 15 മിനുറ്റ്

അപകടത്തിന് ശേഷം പരിക്കേറ്റ യുവാക്കൾ 15 മിനുറ്റ് റോഡിൽ കിടന്നു. പിന്നീട് ഇതുവഴിയെത്തിയ മറ്റ് യാത്രക്കാരാണ് ഇവരെ ആശുപത്രിയിലെത്തിച്ചത്. ഇരുവരെയും ഉടൻ തന്നെ ചേർത്തല താലൂക്ക് ആശുപത്രിയിൽ എത്തിച്ചെങ്കിലും ശിവപ്രകാശിൻ്റെ ജീവൻ രക്ഷിക്കാനായില്ല. കോട്ടയത്തെ കാർ ഷോറൂം ജീവനക്കാരനാണ് മരിച്ച ശിവപ്രകാശ്.

അന്വേഷണം ശക്തമാക്കി പൊലീസ്

അപകടമുണ്ടാക്കി കടന്നുകളഞ്ഞ കാറിനായി പൊലീസ് അന്വേഷണം ശക്തമാക്കിയിട്ടുണ്ട്. ശിവപ്രകാശിൻ്റെ മൃതദേഹം പോസ്റ്റ്‌മോർട്ടം നടപടികൾക്കായി ആലപ്പുഴ മെഡിക്കൽ കോളേജ് ആശുപത്രിയിലേക്ക് മാറ്റി.

പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. 

Article Summary: Sivaprakash (29), a native of Thanneermukkom, died and his friend Vishnu Murali (27) sustained serious injuries after a speeding car rear-ended their bike in a hit-and-run incident at Chenganda curve on the Cherthala Varanad-Chenganda road.

#Kvartha #CherthalaNews #AlappuzhaNews #AccidentNews #HitAndRun #KeralaPolice #MalayalamNews #RoadSafety #Thanneermukkom #AmmuNews