വാഹനത്തെ മറികടക്കുന്നതിനിടെ മുച്ചക്ര വാഹനം എതിരെ വന്ന ബസിലിടിച്ചു; ചെമ്പേരിയിൽ ഭിന്നശേഷിക്കാരൻ മരിച്ചു

ശ്രീകണ്ഠാപുരം: (KVARTHA) ചെമ്പേരിയിൽ സ്‌കൂട്ടർ ബസിലിടിച്ച് ഭിന്നശേഷിക്കാരന് ദാരുണാന്ത്യം. ചെമ്പേരി താരച്ചീത്ത സ്വദേശി സ്റ്റാനിൽ ജോസഫ് (48) ആണ് അപകടത്തിൽ മരിച്ചത്. ഓഗസ്റ്റ് 12 ബുധനാഴ്ച രാവിലെ 10 മണിക്കാണ് ചെമ്പേരി - പുറഞ്ഞാൺ റോഡിൽ വാഹനാപകടം ഉണ്ടായത്. മറ്റൊരു വാഹനത്തെ മറികടക്കുന്നതിനിടെയാണ് സ്റ്റാനിൽ സഞ്ചരിച്ച മുച്ചക്ര വാഹനം എതിരെ വന്ന ബസിലിടിച്ചത്.

ബസ് മൺതിട്ടയിലേക്ക് വെട്ടിച്ചുമാറ്റി

പാണത്തൂർ - ഇരിട്ടി റൂട്ടിൽ സർവീസ് നടത്തുന്ന 'ജേക്കബ്' ബസിലാണ് മുച്ചക്ര വാഹനം വന്നിടിച്ചത്. അപകടം ഒഴിവാക്കുന്നതിനായി ഡ്രൈവർ ബസ് റോഡിൻ്റെ പുറത്തിറക്കി മൺതിട്ടയിൽ ഇടിച്ച് നിർത്തിയെങ്കിലും ദുരന്തം ഒഴിവായില്ല. സ്റ്റാനിൽ ജോസഫ് ബസിനടിയിൽ പെടുകയായിരുന്നു.

മൃതദേഹം മോർച്ചറിയിലേക്ക് മാറ്റി

അപകടവിവരമറിഞ്ഞ് സ്ഥലത്തെത്തിയ പൊലീസ് പ്രാഥമിക നടപടികൾ സ്വീകരിച്ചു. പൊലീസ് ഇൻക്വസ്റ്റ് നടപടികൾ പൂർത്തിയാക്കിയ ശേഷം മൃതദേഹം പരിയാരത്തെ കണ്ണൂർ മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റിയിരിക്കുകയാണ്.

ഈ പ്രാദേശിക വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിവരങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. 

Article Summary: A 48-year-old differently-abled man, Stanil Joseph, died after his three-wheeler scooter collided with a bus while overtaking on the Chemberi-Puranjan road on Wednesday.

#ChemberiAccident #KannurNews #RoadAccident #KeralaNews #StanilJoseph #PariyaramMedicalCollege #MalayalamNews #AnjanaNews