Accidental Death | ഷികാഗോയില് വാഹനങ്ങള് കൂട്ടിയിടിച്ച് 2 ഇന്ഡ്യന് വിദ്യാര്ഥികള് ഉള്പെടെ 3 പേര്ക്ക് ദാരുണാന്ത്യം; 3 പേര്ക്ക് പരിക്ക്, ഒരാളുടെ നില ഗുരുതരം
Apr 23, 2022, 14:49 IST
ADVERTISEMENT
ഷികാഗോ : (www.kvartha.com) ഷികാഗോയില് വാഹനങ്ങള് കൂട്ടിയിടിച്ച് അപകടം. രണ്ട് ഇന്ഡ്യന് വിദ്യാര്ഥികള് ഉള്പെടെ മൂന്നു പേര് മരിച്ചു. പവന് സ്വര്ണ(23), വംഷി കെ പെച്ചെറ്റി(23) എന്നിവരും ഫിയറ്റ് കാര് ഡ്രൈവര് മിസോറിയില് നിന്നുള്ള മേരി മ്യൂണിയ(32)രുമാണ് മരിച്ചത്. ഇവര് മൂന്നുപേരും സംഭവസ്ഥലത്തുവച്ച് തന്നെ മരിച്ചു. തെലങ്കാനയില് നിന്നുള്ളവരാണിവര്.
കൂടെ ഉണ്ടായിരുന്ന മൂന്ന് വിദ്യാര്ഥികള്ക്ക് പരിക്കേറ്റു. ഇവരെ ആശുപത്രിയില് പ്രവേശിപ്പിച്ചു. യശ്വന്ത് (23), കല്യാണ് ഡോര്ന്ന (24), കാര്ത്തിക് (23) എന്നിവര്ക്കാണ് പരിക്കേറ്റത്. പരിക്കേറ്റ ഇന്ഡ്യന് വിദ്യാര്ഥി കാര്ത്തിക്കിന്റെ നില ഗുരുതരമാണെന്ന് ആശുപത്രി അധികൃതര് അറിയിച്ചു.
കാര്ബന്ഡയ്ല് സതേന് യൂനിവേഴ്സിറ്റി കംപ്യൂടര് സയന്സസ് വിദ്യാര്ഥികളാണ് ഇവര്. വ്യാഴാഴ്ച രാവിലെയാണ് അപകടം ഉണ്ടായത്. വിദ്യാര്ഥികള് സഞ്ചരിച്ചിരുന്ന കാര് മറ്റൊരു കാറുമായി കൂട്ടിയിടിക്കുകയായിരുന്നുവെന്നാണ് വിവരം.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
