തീർത്ഥാടനത്തിനെത്തി, പുഴയെടുത്തു: അഭിജിത്തിന് ദാരുണാന്ത്യം

കണ്ണൂർ: (KVARTHA) കൊട്ടിയൂർ വൈശാഖ മഹോത്സവത്തിനെത്തി ബാവലിപ്പുഴയിൽ ഒഴുക്കിൽപ്പെട്ട് കാണാതായ കാഞ്ഞങ്ങാട് ചാമുണ്ഡിക്കുന്ന് സ്വദേശി അഭിജിത്തി (23)ന്റെ മൃതദേഹം കണ്ടെത്തി. ബാവലി പുഴയുടെ ഭാഗമായ ആറളം ഫാം പാലത്തിന് സമീപത്തുനിന്നാണ് മൃതദേഹം കണ്ടെത്തിയത്. 

പേരാവൂരിൽ നിന്നെത്തിയ ഫയർഫോഴ്‌സ് സംഘം മൃതദേഹം പുഴയിൽനിന്ന് കരയ്‌ക്കെത്തിച്ച് ഇൻക്വസ്റ്റ് നടപടികൾ പൂർത്തിയാക്കി. പോസ്റ്റുമോർട്ടത്തിനായി മൃതദേഹം തലശ്ശേരി ജനറൽ ആശുപത്രി മോർച്ചറിയിലേക്ക് മാറ്റി. ഡി.വൈ.എഫ്.ഐ യൂത്ത് ബ്രിഗേഡും യുവാവിനായുള്ള തിരച്ചിലിൽ പങ്കുചേർന്നിരുന്നു.

കഴിഞ്ഞ ഞായറാഴ്ച രാവിലെയാണ് കൊട്ടിയൂർ അക്കരെ ക്ഷേത്രത്തിൽ തീർത്ഥാടനത്തിന് മുൻപ് ബാവലിപ്പുഴയിൽ കുളിക്കാനിറങ്ങിയ അഭിജിത്തിനെ കാണാതായത്. ഇതേദിവസം തന്നെ പുഴയിൽ കാണാതായ കോഴിക്കോട് അത്തോളി സ്വദേശി നിശാന്തിന്റെ മൃതദേഹം നേരത്തെ കണ്ടെത്തിയിരുന്നു.

തീർത്ഥാടകർക്ക് കുളിക്കുന്നതിനായി ക്ഷേത്രം അധികൃതർ നിർമ്മിച്ച തടയണ കനത്ത മഴയിൽ തകർന്നിരുന്നു. ഇതേത്തുടർന്ന് പുഴയിൽ മലവെള്ളപ്പാച്ചിലുണ്ടാവുകയും അടിയൊഴുക്ക് ശക്തമാവുകയുമായിരുന്നു. ഇതാണ് രണ്ട് യുവാക്കളുടെ ജീവൻ അപഹരിക്കാൻ ഇടയാക്കിയത്. കൊട്ടിയൂരിലെ തീർത്ഥാടനത്തിനെത്തുന്നവർ തുടർച്ചയായി അപകടത്തിൽപ്പെടുന്നത് പ്രദേശവാസികളിൽ വലിയ ആശങ്കയാണ് സൃഷ്ടിച്ചിരിക്കുന്നത്.

കൊട്ടിയൂർ പുഴയിലെ അപകടങ്ങളെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക, 

Article Summary In English: Body of Abhijith (23) from Kanhangad, swept away in Bavali river during Kottiyoor festival, found.

#Kottiyoor #BavaliRiver #TragicLoss #Drowning #Kanhangad #PilgrimSafety