അമ്മയോടൊപ്പം റോഡ് മുറിച്ചുകടക്കവേ അപകടം; നിയന്ത്രണം വിട്ടെത്തിയ ലോറിയിടിച്ച് 2 വയസുകാരൻ മരിച്ചു

പിലാത്തറ: (KVARTHA) ചുമടുതാങ്ങി കെ എസ് ടി പി റോഡിൽ ഈറ്റില്ലം റെസ്റ്റോറൻ്റിന് മുൻവശത്തുണ്ടായ വാഹനാപകടത്തിൽ ഗുരുതരമായി പരുക്കേറ്റ് ചികിത്സയിലായിരുന്ന രണ്ടു വയസുകാരൻ മരിച്ചു. ചെറുതാഴം ചുമടുതാങ്ങിയിലെ 'നുറുൽ ഹയാ'യിൽ താമസിക്കുന്ന ഐസാം (2) ആണ് മരിച്ചത്.

റോഡ് മുറിച്ചുകടക്കുന്നതിനിടെ അപകടം

അമ്മയോടൊപ്പം റോഡ് മുറിച്ചുകടക്കുന്നതിനിടെ നിയന്ത്രണം വിട്ടെത്തിയ ലോറി ഇവരെ ഇടിക്കുകയായിരുന്നു. അപകടത്തിൽ  മാതാവിനും കുഞ്ഞിനും ഗുരുതരമായി പരുക്കേറ്റിരുന്നു. ഉടൻതന്നെ പ്രദേശവാസികളും നാട്ടുകാരും ചേർന്ന് ഇരുവരെയും പരിയാരത്തെ മെഡിക്കൽ കോളജ് ആശുപത്രിയിൽ എത്തിച്ചു. എന്നാൽ കുട്ടിയുടെ നില വഷളായതിനെ തുടർന്ന് കൂടുതൽ വിദഗ്ധ ചികിത്സയ്ക്കായി കണ്ണൂരിലെ സ്വകാര്യ ആശുപത്രിയിലേക്ക് മാറ്റുകയായിരുന്നു. ഇവിടെ ചികിത്സയിലിരിക്കെയാണ് കുട്ടി മരിച്ചത്.

മാതാവ് ചികിത്സയിൽ

മണ്ടൂർ കെ വി ഹൗസിലെ ഹാഷിമിൻ്റെ മകനാണ് മരിച്ച ഐസാം. അപകടത്തിൽ പരുക്കേറ്റ ഉമ്മ ലുബ്ന (38) ഇപ്പോഴും ചികിത്സയിൽ തുടരുകയാണ്. നിഹാലയാണ് മരിച്ച ഐസാമിൻ്റെ സഹോദരി.

പ്രാദേശിക വാർത്തകൾ അറിയാൻ ഞങ്ങളുടെ വാട്സ്ആപ്പ് ചാനലും ഫേസ്ബുക്ക് പേജും ഫോളോ ചെയ്യുക.

Article Summary: Two-year-old boy dies in tragic lorry accident at Pilathara.

#PilatharaAccident #KannurNews #KeralaNews #RoadAccident #MalayalamNews #AnjanaNews