Sri Krishna Jayanthi | ശ്രീകൃഷ്ണ ജയന്തി: വയനാട്ടിൽ ശോഭായാത്ര ഒഴിവാക്കുമെന്ന് ബാലഗോകുലം
കുട്ടികളും കുടുംബാംഗങ്ങളും ഒരുമിച്ചുചേർന്ന് പ്രാർത്ഥന സഭകൾ സംഘടിപ്പിക്കും
വയനാട്: (KVARTHA) ഇത്തവണ ശ്രീകൃഷ്ണ ജയന്തി ആഘോഷങ്ങൾക്ക് ശോഭായാത്രകൾ ഒഴിവാക്കാൻ ബാലഗോകുലം തീരുമാനിച്ചു.
പകരം, ശ്രീകൃഷ്ണ ജയന്തി ദിവസമായ ആഗസ്റ്റ് 26ന് കുട്ടികളും കുടുംബാംഗങ്ങളും ഒരുമിച്ചുചേർന്ന് പ്രാർത്ഥന സഭകൾ സംഘടിപ്പിക്കും. സംസ്ഥാനത്താകെ ശോഭായാത്രകൾ ആർഭാടങ്ങൾ ഒഴിവാക്കി ഭക്തിസാന്ദ്രമായി ആഘോഷിക്കും.
ശോഭായാത്രകൾ ആരംഭിക്കുന്നതിന് മുൻപ്, ദുരന്തത്തിൽ മരിച്ചവർക്ക് അനുശോചന സന്ദേശം വായിക്കും. കൂടാതെ, പങ്കെടുക്കുന്നവർ വയനാട് സ്നേഹനിധിയിലേക്ക് സംഭാവന നൽകും.
ഇത്തവണത്തെ ശ്രീകൃഷ്ണ ജയന്തിയുടെ പ്രധാന സന്ദേശം 'പുണ്യമീ മണ്ണ്; പവിത്രമീ ജന്മം' എന്നതാണ്. ഇത് പരിസ്ഥിതിയെയും ദേശീയതയെയും ഒരുപോലെ പ്രകാശിപ്പിക്കുന്ന ഒരു സന്ദേശമാണെന്നും ബാലഗോകുലം പറഞ്ഞു.
