ഇൻഡോർ: (KVARTHA) ബന്ധുവിന്റെ വിവാഹ ചടങ്ങിൽ നൃത്തം ചെയ്യുന്നതിനിടെ യുവതി കുഴഞ്ഞുവീണ് മരിച്ചു. ഇൻഡോറിലെ പരിണിത ജെയിൻ (23) എന്ന യുവതിയാണ് വിദിഷയിൽ മരണപ്പെട്ടത്. ശനിയാഴ്ച സംഗീത പരിപാടിയിൽ 200 ലധികം ആളുകൾ പങ്കെടുത്തിരുന്നു. പ്രശസ്ത ഹിന്ദി ഗാനമായ 'ഷരാരാ ഷരാരാ' യ്ക്ക് ചുവടുവെക്കുകയായിരുന്നു പരിണിത. നൃത്തം തുടങ്ങി മുപ്പത് സെക്കൻഡിനുള്ളിൽ കുഴഞ്ഞുവീണു. 

കുടുംബത്തിലെ ഡോക്ടർമാർ ഉടൻതന്നെ സി.പി.ആർ നൽകിയെങ്കിലും ഫലമുണ്ടായില്ല. അടുത്തുള്ള ആശുപത്രിയിലേക്ക് കൊണ്ടുപോയെങ്കിലും ഹൃദയാഘാതമാണ് മരണകാരണമെന്ന് ഡോക്ടർമാർ സ്ഥിരീകരിച്ചു. എംബിഎ പൂർത്തിയാക്കിയ പരിണിത മാതാപിതാക്കളോടൊപ്പം ഇൻഡോറിലാണ് താമസിച്ചിരുന്നത്. വർഷങ്ങൾക്ക് മുൻപ് പരിണിതയുടെ സഹോദരനും ഹൃദയാഘാതം മൂലം 12-ാം വയസിൽ മരണമടഞ്ഞിരുന്നു.  

परिणीता अपनी बहन की शादी में आई थी,स्टेज पर खुशी में नाच रहीं थीं ... अमूमन ऐसे कार्यक्रम में डीजे का भयानक शोर होता है ...अचानक, लड़खड़ाती हैं और जमीन पर गिर जाती हैं,वहां मौजूद लोग कुछ समझ पाते,उससे पहले ही उनकी सांसें थम चुकी थीं। ये सब भयावह है... pic.twitter.com/9m2OmppeGf

— Anurag Dwary (@Anurag_Dwary) February 9, 2025

കുഴഞ്ഞുവീണുള്ള മരണങ്ങൾ വർധിക്കുന്നു 

കുഴഞ്ഞുവീണുള്ള മരണങ്ങൾ ഇപ്പോൾ സർവസാധാരണമായിരിക്കുകയാണ്. ചെറുപ്പക്കാർ പോലും നൃത്തം  ചെയ്യുമ്പോഴും കായിക വിനോദങ്ങളിൽ  ഏർപ്പെടുമ്പോഴും പെട്ടെന്ന് കുഴഞ്ഞുവീണ് മരിക്കുന്നു. ഇത്തരം  ദൃശ്യങ്ങൾ സമൂഹ മാധ്യമങ്ങളിൽ വൈറലായി പ്രചരിക്കുന്നുണ്ട്. കോവിഡ്  മഹാമാരിക്ക്  ശേഷം  ഇത്തരം  സംഭവങ്ങൾ  വർധിച്ചിട്ടുണ്ടെന്നും വാക്സിനുകളാണ്  കാരണമെന്നും ചിലർ  ആരോപിക്കുന്നു. എന്നാൽ പല ഡോക്ടർമാരും ഈ വാദങ്ങളെ  തള്ളിക്കളയുന്നു. കുടുംബ  പാരമ്പര്യം, ജീവിതശൈലി എന്നിവയാണ്  ഹൃദയാരോഗ്യത്തെ സ്വാധീനിക്കുന്ന പ്രധാന ഘടകങ്ങളെന്ന് അവർ  പറയുന്നു.

വാക്സിനുകൾ കാരണമാകുന്നുണ്ടോ?

കഴിഞ്ഞ വർഷം,  കോവിഡ്  വാക്സിനുകൾ  ഹൃദയാഘാതത്തിന്  കാരണമാകില്ലെന്ന് ഐസിഎംആർ  (ICMR)  പഠനത്തിൽ  കണ്ടെത്തിയതായി അന്നത്തെ  ആരോഗ്യമന്ത്രി ഡോ. മൻസുഖ് മാണ്ഡവ്യ പറഞ്ഞിരുന്നു. 'ഇന്ന്  ആർക്കെങ്കിലും  സ്ട്രോക്ക്  വന്നാൽ,  അത്  കോവിഡ്  വാക്സിൻ  കാരണമാണെന്ന്  ചിലർ  ചിന്തിക്കുന്നു.  ഐസിഎംആർ  ഇതേക്കുറിച്ച്  വിശദമായ  പഠനം  നടത്തിയിട്ടുണ്ട്.  (കോവിഡ്) വാക്സിൻ ഹൃദയാഘാതത്തിന്  കാരണമല്ല. നമ്മുടെ  ജീവിതശൈലി, പുകയില, അമിത  മദ്യപാനം  തുടങ്ങിയ  നിരവധി കാരണങ്ങൾ  ഹൃദയാഘാതത്തിന്  പിന്നിലുണ്ട്', അദ്ദേഹം പറയുകയുണ്ടായി.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.

A 23-year-old woman collapsed and died while dancing at a wedding in Indore. Despite CPR efforts, doctors confirmed death due to a heart attack.

#HeartAttack #WeddingDance #ShockingDeath #SuddenCollapse #IndoreNews #HeartHealth