Attacked | ഗതാഗതക്കുരുക്കില്‍ ഹോണ്‍ മുഴക്കിയെന്നാരോപിച്ച് സ്ത്രീയെ തല്ലിയതായി പരാതി; 'വണ്ടിയില്‍നിന്ന് വലിച്ച് റോഡിലിറക്കി കൊല്ലുമെന്ന് ഭീഷണിപ്പെടുത്തി'
Jan 20, 2023, 12:17 IST
ADVERTISEMENT
ഗുഡ്ഗാവ്: (www.kvartha.com) ഗതാഗതക്കുരുക്കില്‍ ഹോണ്‍ മുഴക്കിയെന്നാരോപിച്ച് സ്ത്രീയുടെ കരണക്കുറ്റി നോക്കി തല്ലിയതായി പരാതി. കഴിഞ്ഞ ദിവസം ഗുഡ്ഗാവിലെ എം ഡി ഐ ചൗക്കിലാണ് സംഭവം നടന്നത്. ധനകാര്യ സ്ഥാപനത്തില്‍ ജോലി ചെയ്യുന്ന യുവതിക്കാണ് മര്‍ദനമേറ്റത്.
തന്റെ വാഹനത്തിന് പിറകില്‍ ഉണ്ടായിരുന്നയാള്‍ താന്‍ സഞ്ചരിച്ച വാഹനത്തിന് മുന്നില്‍ കാര്‍ നിര്‍ത്തി തന്നെ വലിച്ച് റോഡിലിറക്കിയെന്നും തുടര്‍ന്ന് പലതവണ തല്ലിയെന്നുമാണ് യുവതിയുടെ പരാതിയില്‍ പറയുന്നത്. കൂടാതെ രോഷം അടക്കാനാകാതെ കൊല്ലുമെന്ന് ഭീഷണിപ്പെടുത്തിയതായും വീട്ടില്‍ കയറി വീണ്ടും തല്ലുമെന്ന് അക്രമി പറഞ്ഞതായും യുവതി പറയുന്നു.
ആളുകള്‍ കൂടാന്‍ തുടങ്ങിയതോടെ ഇയാള്‍ സ്ഥലത്തുനിന്നും കടന്നുകളയുകയായിരുന്നുവെന്നാണ് വിവരം. യുവാവിന്റെ ആക്രമണത്തില്‍ ഇടതുകണ്ണിനും മൂക്കിനും സാരമായി പരുക്കേറ്റതായും പരാതിയില്‍ പറയുന്നു. സംഭവത്തെ കുറിച്ച് സി സി ടി വി പരിശോധിച്ച് പ്രതിയെ തിരിച്ചറിയാനുള്ള ശ്രമത്തിലാണ് പൊലീസ്.
Keywords: News,National,India,Traffic,attack,Complaint,Injured,Local-News,Police,CCTV, Woman Pulled Out Of Car, Slapped For Honking During Traffic In Gurugram
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
