പരാതിയുമായെത്തിയ യുവതികളെ അപമാനിക്കുകയും ദേഹോപദ്രവം ഏല്‍പിക്കുകയും ചെയ്തു; എം എല്‍ എക്കെതിരെ കേസ്

ഡെല്‍ഹി ജല ബോര്‍ഡിന്റെ വൈസ് ചെയര്‍മാന്‍ കൂടിയാണ് എം എല്‍ എ. ഇന്ത്യന്‍ ശിക്ഷാ നിയമത്തിലെ 506, 509, 323 എന്നീ വകുപ്പുകളാണ് എം എല്‍ എക്കെതിരെ ചുമത്തിയിട്ടുള്ളത്.

വ്യാഴാഴ്ച രാവിലെയാണ് പരാതിക്കിടയാക്കിയ സാഹചര്യം ഉണ്ടായത്. പ്രദേശത്തെ കുടിവെള്ള പ്രശ്‌നത്തിന് പരിഹാരം കാണണമെന്നാവശ്യപ്പെട്ടാണ് സംഘംവിഹാറിലെ യുവതികള്‍ എം.എല്‍.എയെ കാണാന്‍ അദ്ദേഹത്തിന്റെ ഓഫീസിലെത്തിയത്. എന്നാല്‍ സ്ഥിരമായി പരാതി പറയാനെത്തുന്ന ഇവരെ കാണാന്‍ എം.എല്‍.എ വിസമ്മതിക്കുകയും പരാതി പരിഗണിക്കാന്‍ തയ്യാറാകാത്തതാണ് പ്രശ്‌നങ്ങള്‍ക്ക് കാരണം.

തുടര്‍ന്ന് യുവതികളുമായുള്ള തര്‍ക്കത്തിനിടയില്‍ എം.എല്‍.എ ദിനേഷ് മോഹാനിയ പരാതിക്കാരെ തള്ളിമാറ്റുകയായിരുന്നുവെന്നാണ് പരാതിയില്‍ പറയുന്നത്. തങ്ങളെ അപമാനിക്കുകയും ദേഹോപദ്രവമേല്‍പ്പിക്കുകയും ചെയ്ത ജനപ്രതിനിധിക്കെതിരെ നിയമനടപടി സ്വീകരിക്കണമെന്നും ഇവര്‍ പരാതിയില്‍ ആവശ്യപെട്ടിട്ടുണ്ട്.

അതേസമയം യുവതികളുടെ ആരോപണം എം എല്‍ എ തള്ളിക്കളഞ്ഞു. കഴിഞ്ഞ കുറേ ദിവസങ്ങളായി പ്രദേശത്ത് നിലനില്‍ക്കുന്ന കുടിവെളള പ്രശ്‌നത്തിന് ശാശ്വത പരിഹാരം കാണണമെന്നാവശ്യപെട്ട് സംഘംവിഹാറിലെ ഒരു കൂട്ടം ആളുകള്‍ തന്നെ വന്ന് കണ്ടിരുന്നും അല്ലാതെ മറ്റു പ്രശ്‌നങ്ങളൊന്നുമില്ലെന്നുമായിരുന്നു എം.എല്‍.എയുടെ പ്രതികരണം.

പിലിക്കോട് ബാങ്കില്‍ നിന്നും കണ്ടെത്തിയ മുക്കുപണ്ടങ്ങള്‍ കോടതിയില്‍ ഹാജരാക്കി; മുഖ്യ പ്രതിയായ ബാങ്ക് മാനേജരെ കസ്റ്റഡിയില്‍ കിട്ടാന്‍ ഹരജി