Supreme Court | 'ദ് കേരള സ്റ്റോറി' പ്രദര്‍ശിപ്പിക്കുന്നതിന് ബംഗാളില്‍ മാത്രം എന്താണ് പ്രശ്‌നമെന്ന് സുപ്രീംകോടതി; സംഘര്‍ഷ സാധ്യതയുണ്ടെന്ന ഇന്റലിജന്‍സ് റിപോര്‍ട് ചൂണ്ടിക്കാട്ടി സര്‍കാര്‍
May 12, 2023, 16:32 IST
ADVERTISEMENT
ന്യൂഡെല്‍ഹി: (www.kvartha.com) 'ദ് കേരള സ്റ്റോറി' യുടെ പ്രദര്‍ശനം നിരോധിച്ചതില്‍ ബംഗാള്‍ സര്‍കാരിനോട് വിശദീകരണം തേടി സുപ്രീം കോടതി. രാജ്യത്ത് മറ്റിടങ്ങളില്‍ സിനിമ പ്രദര്‍ശിപ്പിക്കുന്നുവെങ്കില്‍ ബംഗാളില്‍ മാത്രം എന്താണ് പ്രശ്‌നമെന്നും കോടതി ചോദിച്ചു.
എന്തുകൊണ്ടാണ് നിരോധിച്ചതെന്നതിന് ബുധനാഴ്ചയ്ക്കകം മറുപടി നല്‍കണമെന്നും കോടതി സര്‍കാരിനോട് നിര്‍ദേശിച്ചു. സിനിമയുടെ പ്രദര്‍ശനം നിരോധിച്ച ബംഗാള്‍ സര്‍കാരിന്റെ ഉത്തരവിനെതിരായ ഹര്‍ജി പരിഗണിക്കവേ ചീഫ് ജസ്റ്റിസ് ഡിവൈ ചന്ദ്രചൂഡ് അധ്യക്ഷനായ ബെഞ്ചാണ് വിശദീകരണം തേടിയത്.
ചിത്രം പ്രദര്‍ശിപ്പിച്ചാല്‍ സംഘര്‍ഷമുണ്ടാകാന്‍ സാധ്യതയുണ്ടെന്ന ഇന്റലിജന്‍സ് റിപോര്‍ട് ഉണ്ടെന്ന് ബംഗാള്‍ സര്‍കാരിനു വേണ്ടി ഹാജരായ അഭിഷേക് മനു സിങ്‌വി കോടതിയെ അറിയിച്ചു. എന്നാല്‍ ഇതിനോട് യോജിക്കാന്‍ കോടതി തയാറായില്ല. തിയറ്ററുകളില്‍നിന്ന് സിനിമ പിന്‍വലിച്ചതില്‍ തമിഴ്‌നാട് സര്‍കാരിനോടും മറുപടി ആരാഞ്ഞു.
Keywords: 'Why Should Bengal Ban 'The Kerala Story'?' Supreme Court Issues Notice, New Delhi, News, Supreme Court, Controversy, Cinema, Release, Explanation, Intelligence Report, National.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
