Nepal Currency | എന്തുകൊണ്ടാണ് നേപ്പാളിന്റെ പുതിയ 100 രൂപ വിവാദമാകുന്നത്? ഇന്ത്യയുടെ ഈ 3 പ്രദേശങ്ങൾക്ക് സുപ്രധാന സ്ഥാനമുണ്ട്!

 

ന്യൂഡെൽഹി: (KVARTHA) ഇന്ത്യയുടെ അയൽരാജ്യമായ നേപ്പാളിന്റെ പുതിയ 100 രൂപ നോട്ട് വലിയ വിവാദം സൃഷ്ടിച്ചിരിക്കുകയാണ്. ഇന്ത്യയുമായുള്ള തർക്ക പ്രദേശങ്ങൾ ഉൾപ്പെടുന്ന ഭൂപടം പ്രിന്റ് ചെയ്ത് പുതിയ നോട്ട് അച്ചടിക്കാൻ തീരുമാനിച്ചതാണ് വിവാദത്തിന് കാരണം. നേപ്പാളിന്റെ നടപടി ഏകപക്ഷീയവും അംഗീകരിക്കാനാകാത്തതുമാണെന്ന് വിദേശകാര്യ മന്ത്രി എസ് ജയശങ്കർ വ്യക്തമാക്കിയിട്ടുണ്ട്.

Nepal Currency | എന്തുകൊണ്ടാണ് നേപ്പാളിന്റെ പുതിയ 100 രൂപ വിവാദമാകുന്നത്? ഇന്ത്യയുടെ ഈ 3 പ്രദേശങ്ങൾക്ക് സുപ്രധാന സ്ഥാനമുണ്ട്!

വിവാദങ്ങൾക്ക് പിന്നിൽ

1962-ലെ ചൈനയുമായുള്ള അതിർത്തി യുദ്ധത്തിനുശേഷം ഇന്ത്യ അനധികൃതമായി കൈവശപ്പെടുത്തിയ പ്രദേശങ്ങളായി നേപ്പാൾ അവകാശപ്പെടുന്ന ലിപുലേഖ്, ലിംപിയാധുര, കാലാപാനി എന്നിവ ഉൾക്കൊള്ളുന്നതാണ് പുതിയ കറൻസി. ഈ പ്രദേശങ്ങൾ ഇന്ത്യയുടെ ഭാഗമാണ്. ഇന്ത്യയ്ക്കും ചൈനയ്ക്കും ഇടയിലുള്ള തന്ത്രപ്രധാനമായ മേഖല കൂടിയാണിത്. ലിപുലേഖ്, കാലാപാനി, ലിംപിയാധുര തുടങ്ങിയ പ്രദേശങ്ങൾ ഉൾപ്പെടുത്തി, 2020 ജൂൺ 18-ന് രാഷ്ട്രീയ ഭൂപടം പുതുക്കാനുള്ള ഭരണഘടനാ ഭേദഗതിയെ തുടർന്നാണ് നേപ്പാളിൻ്റെ പുതിയ നീക്കമെന്നാണ് റിപ്പോർട്ട്. 100 രൂപയുടെ നോട്ടിൽ ഈ മാപ്പ് പ്രിൻ്റ് ചെയ്യാനുള്ള ഒരുക്കത്തിലാണ്.

നേപ്പാളിനും ഇന്ത്യയ്ക്കും 1850 കിലോമീറ്റർ ദൈർഘ്യമുള്ള അതിർത്തിയുണ്ട്. ഇന്ത്യയിൽ, സിക്കിം, പശ്ചിമ ബംഗാൾ, ബിഹാർ, ഉത്തർപ്രദേശ്, ഉത്തരാഖണ്ഡ് എന്നീ സംസ്ഥാനങ്ങൾ നേപ്പാളുമായി അതിർത്തി പങ്കിടുന്നു. ഇരു രാജ്യങ്ങളും തമ്മിൽ അതിർത്തി തർക്കങ്ങളും നിലനിൽക്കുന്നുണ്ട്. 2023 ജൂണിൽ ഇന്ത്യൻ പ്രധാനമന്ത്രി നരേന്ദ്ര മോദിയും നേപ്പാൾ പ്രധാനമന്ത്രി പ്രചണ്ഡയും തമ്മിൽ ഇതുമായി ബന്ധപ്പെട്ട് ചർച്ച നടക്കുകയും അതിർത്തി തർക്കം പരിഹരിക്കാൻ ഇരു രാജ്യങ്ങളും തീരുമാനിക്കുകയും ചെയ്‌തിരുന്നു. എന്നിരുന്നാലും, ഈ ദിശയിൽ ഇരു രാജ്യങ്ങളും ഇതുവരെ കാര്യമായ ഒരു ചുവടുവെപ്പും നടത്തിയിട്ടില്ല.

ലിപുലേഖ് ചുരം വഴി കൈലാസ് മാനസരോവറിലേക്ക്

ലിപുലേഖ് ചുരം ഉത്തരാഖണ്ഡിനെ ചൈന അവകാശപ്പെടുന്ന ടിബറ്റ് മേഖലയുമായി ബന്ധിപ്പിക്കുന്നു എന്നതാണ് പ്രത്യേകത. ഇന്ത്യയിൽ നിന്നുള്ള തീർത്ഥാടകർ ഈ ലിപുലേഖ് ചുരം വഴിയാണ് കൈലാസ് മാനസരോവറിലേക്ക് പോകുന്നത്. 1962 ലെ ചൈനീസ് ആക്രമണത്തിൽ ഇത് അടച്ചെങ്കിലും 2015 ൽ ചൈനയുമായുള്ള വ്യാപാരത്തിനും കൈലാഷ് മാനസരോവർ യാത്രയ്ക്കും വേണ്ടി വീണ്ടും തുറന്നു.

ചൈന ആധിപത്യമുള്ള ടിബറ്റിലെ ലിപുലേഖ് ചുരത്തിൽ നിന്ന് 90 കിലോമീറ്റർ അകലെയുള്ള കൈലാസ് മാനസരോവറിലേക്കുള്ള തീർത്ഥാടന വേളയിൽ ഭക്തർക്ക് ആശ്വാസം പകരുന്നതിനായി 2020 ൽ ഇന്ത്യ 80 കിലോമീറ്റർ ദൈർഘ്യമുള്ള റോഡ് ഉദ്ഘാടനം ചെയ്തിരുന്നു. പിത്തോരഗഡിൽ നിന്ന് ആരംഭിക്കുന്ന ഈ റോഡിൽ നേപ്പാൾ അതൃപ്തി പ്രകടിപ്പിച്ചിരുന്നു. എന്തായാലും, നേപ്പാളിനും ഇന്ത്യയ്ക്കും ടിബറ്റിനും ഇടയിൽ നേപ്പാളിൻ്റെ വടക്കുപടിഞ്ഞാറൻ മൂലയിൽ സ്ഥിതി ചെയ്യുന്ന ഒരു ഭൂപ്രദേശമാണ് ലിപുലേഖ്. ഇന്ത്യയും നേപ്പാളും തമ്മിൽ തർക്കമുള്ള കാലാപാനിയുടെ പടിഞ്ഞാറൻ പോയിൻ്റാണിത്.

കാലാപാനിയിൽ നിന്ന് ചൈനയുടെ സൈന്യത്തെ നിരീക്ഷിക്കുന്നു

അതേ സമയം, ഉത്തരാഖണ്ഡിലെ പിത്തോരഗഡിൽ സ്ഥിതി ചെയ്യുന്ന കാലാപാനി പ്രദേശം ദക്ഷിണേഷ്യയുടെ നയതന്ത്രത്തിൽ ഒരു പ്രധാന പങ്ക് വഹിക്കുന്നു, കാരണം ഇത് ഇന്ത്യ, ചൈന, നേപ്പാൾ എന്നിവയ്‌ക്ക് ഇടയിലുള്ള ഒരു ട്രൈ ജംഗ്ഷൻ ആണ്. ഈ കാലാപാനിയിൽ നിന്ന് ചൈനീസ് സൈന്യത്തിൻ്റെ നീക്കം ഇന്ത്യ നിരീക്ഷിക്കുന്നു. 1962ലെ യുദ്ധത്തിലാണ് ഇന്ത്യ ആദ്യമായി ഇവിടെ സൈന്യത്തെ വിന്യസിച്ചത്. ഇപ്പോൾ, ഈ പ്രദേശത്തിൻ്റെ പ്രാധാന്യം കണക്കിലെടുത്ത്, ഇൻഡോ-ടിബറ്റൻ ബോർഡർ പൊലീസ് ഉദ്യോഗസ്ഥരെ എല്ലായ്പ്പോഴും ഇന്ത്യയുടെ ഭാഗത്ത് വിന്യസിച്ചിട്ടുണ്ട്.

നേപ്പാളിൻ്റെ പുതിയ തീരുമാനം വിവാദം വർധിപ്പിച്ചേക്കും

നേപ്പാൾ ഇന്ത്യയ്ക്കും ചൈനയ്ക്കും ഇടയിലായതിനാൽ ഇരു രാജ്യങ്ങളും തങ്ങളുടെ സ്വാധീനം ആഗ്രഹിക്കുന്നുണ്ട്. അതിനിടെ, പുതിയ ഭൂപടം പ്രസിദ്ധീകരിച്ച് വിവാദത്തിന് പുതിയ കാറ്റ് നൽകിയിരിക്കുകയാണ് നേപ്പാൾ. നേപ്പാൾ തങ്ങളുടേതെന്ന് അവകാശപ്പെടുന്ന മൂന്ന് പ്രദേശങ്ങളും ഏകദേശം 370 ചതുരശ്ര കിലോമീറ്റർ അതായത് ഏകദേശം 140 ചതുരശ്ര മൈൽ വിസ്തൃതിയിൽ വ്യാപിച്ചുകിടക്കുന്നു. കാലാപാനിയുമായി ബന്ധപ്പെട്ട ഏത് പുതിയ തർക്കവും മൂന്ന് രാജ്യങ്ങൾ തമ്മിലുള്ള ബന്ധം വഷളാക്കും.

അയൽ രാജ്യം 2020 ൽ ഭരണഘടന മാറ്റി

നേരത്തെ 2020 ജൂണിൽ നേപ്പാൾ പുതിയ രാഷ്ട്രീയ ഭൂപടം പുറത്തിറക്കിയിരുന്നു. അതിലും ലിപുലേഖ്, ലിംപിയാധുര, കാലാപാനി എന്നിവ നേപ്പാളിൻ്റെ ഭാഗമായി കാണിച്ചു. നേപ്പാൾ ഇതിനായി ഭരണഘടന പോലും മാറ്റിയിരുന്നു. നേപ്പാളിൻ്റെ ഈ നടപടിയെ ഏകപക്ഷീയമെന്ന് വിളിച്ച് ഇന്ത്യ ശക്തമായി പ്രതിഷേധിച്ചിരുന്നു. ഇതിന് പിന്നാലെ കഴിഞ്ഞ വർഷം നേപ്പാൾ പ്രധാനമന്ത്രി ഇന്ത്യയിലെത്തിയപ്പോൾ അതിർത്തി തർക്കം പരിഹരിക്കുമെന്ന് ഉറപ്പ് നൽകിയിരുന്നു. എന്നിട്ടും, പുതിയ നോട്ടിൽ ഈ മൂന്ന് മേഖലകളും തങ്ങളുടേതായി പ്രഖ്യാപിക്കാനുള്ള നേപ്പാളിന്റെ ശ്രമത്തിന് പിന്നിൽ ചൈനയുടെ കളിയാണോ എന്ന സംശയം ഉയർന്നിട്ടുണ്ട്.

Keywords: News, National, New Delhi, Nepal, Currency, Lipulekh, Limpiyadhura, Kalapani, Nepal Currency, Why Nepal’s new currency note has reignited discourse over border disputes.
< !- START disable copy paste -->
ഇവിടെ വായനക്കാർക്ക് അഭിപ്രായങ്ങൾ രേഖപ്പെടുത്താം. സ്വതന്ത്രമായ ചിന്തയും അഭിപ്രായ പ്രകടനവും പ്രോത്സാഹിപ്പിക്കുന്നു. എന്നാൽ ഇവ കെവാർത്തയുടെ അഭിപ്രായങ്ങളായി കണക്കാക്കരുത്. അധിക്ഷേപങ്ങളും വിദ്വേഷ - അശ്ലീല പരാമർശങ്ങളും പാടുള്ളതല്ല. ലംഘിക്കുന്നവർക്ക് ശക്തമായ നിയമനടപടി നേരിടേണ്ടി വന്നേക്കാം.

Tags

Share this story

wellfitindia