Navneet Rana | 'ആൺകുട്ടികൾ ആൺകുട്ടികളെയും പെൺകുട്ടികൾ പെൺകുട്ടികളെയും വിവാഹം കഴിക്കുന്നു, ഇത് എന്ത് പാരമ്പര്യമാണ്'; സ്വവർഗ വിവാഹങ്ങൾക്കും ലിവ്-ഇൻ ബന്ധങ്ങൾക്കുമെതിരെ ആഞ്ഞടിച്ച് ലോക്‌സഭാ എംപി നവനീത് റാണ; വീഡിയോ വൈറൽ

മുംബൈ: (www.kvartha.com) ലിവ്-ഇൻ ബന്ധങ്ങളെയും സ്വവർഗ വിവാഹങ്ങളെയും കുറിച്ചുള്ള അമരാവതി ലോക്‌സഭാ എംപി നവനീത് റാണയുടെ പ്രസ്താവനകൾ ചർച്ചയായി. ആൺകുട്ടികൾ ആൺകുട്ടികളെയും പെൺകുട്ടികൾ പെൺകുട്ടികളെയും വിവാഹം കഴിക്കുന്നു, ഇത് എന്ത് പാരമ്പര്യമാണെന്ന് അവർ ചോദിച്ചു. ഇത് ഭാരതീയ സംസ്കാരമല്ലെന്ന് പറഞ്ഞ എംപി യുവതലമുറയോട് പാരമ്പര്യ ആചാരാനുഷ്ഠാനങ്ങൾ പാലിക്കാൻ ഉപദേശിച്ചു.
       
ഞങ്ങളുടെ പഠന കാലത്ത് ഞങ്ങൾ ലിവ് ഇൻ റിലേഷൻഷിപ്പ് കണ്ടിട്ടില്ല, ജീവിതത്തിൽ കേട്ടിട്ടില്ല. എന്നാൽ ഇന്നത്തെ തലമുറയിൽ നിന്ന് അത് കേൾക്കുന്നു. മാതാപിതാക്കൾ വിദ്യാഭ്യാസത്തിനായി അയയ്ക്കുന്നു. ഇപ്പോൾ ആൺകുട്ടികളും പെൺകുട്ടികളും പൂനെ, മുംബൈ എന്നിവിടങ്ങളിൽ പോയി ലിവ് ഇൻ ബന്ധത്തിൽ വാടക വീട്ടിൽ ഒരുമിച്ച് താമസിക്കുന്നു. ഇത് നമ്മുടെ സംസ്കാരമല്ല.

കൂടുതൽ മുന്നോട്ട് പോയി, ആൺകുട്ടികൾ ആൺകുട്ടികളെയും ചില പെൺകുട്ടികൾ പെൺകുട്ടികളെയും വിവാഹം കഴിക്കുന്നു. ഇതും നമ്മുടെ സംസ്കാരമല്ല, വികൃതമാണ്. ഈ ചെറുപ്പക്കാരിൽ ഇതെല്ലാം എവിടെ നിന്ന് വന്നു?. ഇങ്ങനെയൊക്കെ സംഭവിക്കുമ്പോൾ എന്ത് പറയണം എന്നറിയില്ല. അതുകൊണ്ട് സമൂഹത്തിനു വേണ്ടി ജീവിക്കണം. നമ്മുടെ മാതാപിതാക്കൾ കഠിനാധ്വാനം ചെയ്താണ് നമ്മളെ വളർത്തിയതെന്നും അതിന്റെ നന്ദി നമ്മൾ അവരോട് കാണിക്കണമെന്നും നവനീത് റാണ പറഞ്ഞു.

2022ൽ ശിവസേന നേതാവ് ഉദ്ധവ് താക്കറെയുടെ മുംബൈയിലെ സ്വകാര്യ വസതിയായ 'മാതോശ്രീ'യിൽ വെച്ച് ഹനുമാൻ ചാലിസ ചൊല്ലുമെന്ന് സ്വതന്ത്ര എംപിയായ നവനീത് റാണയും അവരുടെ എംഎൽഎ ഭർത്താവ് രവി റാണയും പ്രഖ്യാപിച്ചത് വലിയ വിവാദമായിരുന്നു. മഹാരാഷ്ട്രയിലെ പല പ്രദേശങ്ങളിലും ഹനുമാൻ ചാലിസ ജപിക്കാനുള്ള ദമ്പതികളുടെ തീരുമാനം നേരത്തെ രാഷ്ട്രീയ പാർട്ടികളിൽ നിന്ന് രൂക്ഷമായ പ്രതികരണങ്ങൾക്ക് കാരണമായിരുന്നു. 2022 ഏപ്രിൽ 23ന് ഇവരെയും മുംബൈ പൊലീസ് അറസ്റ്റ് ചെയ്തു.
< !- START disable copy paste -->