ഗംഗാനദിയില്‍ ചരക്ക് കപ്പല്‍ മറിഞ്ഞുണ്ടായ അപകടത്തില്‍ 10 പേര്‍ മുങ്ങിമരിച്ചു; 12 ഓളം ട്രകുകളും വെള്ളത്തില്‍ പതിച്ചു; അപകടത്തിന് കാരണം അമിത ഭാരമെന്ന് നിഗമനം

കപ്പല്‍ ഗംഗയുടെ മധ്യഭാഗത്ത് എത്തിയതോടെ അതില്‍ കയറ്റിയരുന്ന നാല് ട്രകുകള്‍ നദിയിലേക്ക് മറിയുകയായിരുന്നുവെന്ന് അപകടം നടന്ന മുക്തേശ്വര്‍ ഗംഗാ ഘട് സന്ദര്‍ശിച്ച സാഹേബ്ഗഞ്ച് ഡെപ്യൂടി കമിഷണര്‍ രാം നിവാസ് യാദവ് പറഞ്ഞു. രക്ഷാപ്രവര്‍ത്തനത്തിന് എന്‍ഡിആര്‍എഫിനെ വിളിച്ചിട്ടുണ്ടെന്നും അദ്ദേഹം പറഞ്ഞു.

പകല്‍ സമയങ്ങളില്‍ മാത്രമേ നദിയിലൂടെ യാത്ര ചെയ്യാന്‍ അനുവാദമുള്ളൂ എന്നിരിക്കെ അതിന് വിരുദ്ധമായി രാത്രി കാലങ്ങളില്‍ കപ്പല്‍ ജാര്‍ഖണ്ഡിലെ സാഹേബ്ഗഞ്ചില്‍ നിന്ന് ബിഹാറിലെ മണിഹാരിയിലേക്ക് കടത്തുകയായിരുന്നുവെന്ന് ഡെപ്യൂടി കമിഷണര്‍ കുറ്റപ്പെടുത്തി. അപകടത്തെ തുടര്‍ന്ന് പത്ത് പേരെ കാണാതായതായും അദ്ദേഹം പറഞ്ഞു.

അപകടത്തെ കുറിച്ച് കപ്പലിന്റെ ക്യാപ്റ്റന്‍ അമര്‍ ചൗധരി പറയുന്നത്:

ഒരു ട്രകിന്റെ ടയറുകള്‍ കപ്പലില്‍ വച്ച് പൊട്ടി. ഇതോടെ അത് ചരിയുകയും നദിയിലേക്ക് മുങ്ങുകയുമായിരുന്നു. ഇതോടെ കപ്പലിലുണ്ടായിരുന്ന മറ്റ് ട്രകുകളും നദിയിലേക്ക് പതിച്ചതായും അദ്ദേഹം പറഞ്ഞു.

സ്റ്റീമറില്‍ 18 ട്രകുകളാണ് ഉണ്ടായിരുന്നത്. ഇതില്‍ ആറെണ്ണത്തെ മാത്രമേ രക്ഷപ്പെടുത്താന്‍ കഴിഞ്ഞുള്ളൂ എന്ന് ആശുപത്രിയില്‍ പ്രവേശിപ്പിച്ചിരിക്കുന്ന സ്റ്റീമര്‍ കംപനിയിലെ ജീവനക്കാരന്‍ പ്രമോദ് പാസ്വാന്‍ പറഞ്ഞു. സാഹെബ്ഗഞ്ചില്‍ നിന്ന് കല്ല് ചിപ്പുകള്‍ കയറ്റിയ ട്രകുകളാണ് സ്റ്റീമറില്‍ കയറ്റിയതെന്ന് രക്ഷപ്പെട്ടവര്‍ പറഞ്ഞു.

#WATCH: Over a dozen people feared, drowned after #CargoVessel capsizes in #GangaRiver between Sahebganj in #Jharkhand and #Manihari in Katihar district of #Bihar #News #India pic.twitter.com/ao2dtsDz7e

— Free Press Journal (@fpjindia) March 25, 2022

Keywords: Watch video: Cargo vessel capsizes in Ganga river between Jharkhand and Bihar; over dozen trucks & persons feared drowned, Patna, Bihar, Boat Accident, Dead, Drowned, Police, National.