Viral Video | ഉദ്യോഗസ്ഥർ യോഗത്തിൽ ഗൗരവമായ ചർച്ചയിൽ; പങ്കെടുത്തവർക്ക് നൽകിയ കേക്കിന്റെ കഷ്‌ണം അകത്താക്കി 'അപ്രതീക്ഷിത അതിഥി'; വീഡിയോ വൈറൽ

ന്യൂഡെൽഹി: (www.kvartha.com) യോഗത്തിൽ പങ്കെടുത്തവർക്ക് നൽകിയ കേക്കിന്റെ കഷണം എലി രഹസ്യമായി നുകരുന്ന വീഡിയോ സാമൂഹ്യ മാധ്യമങ്ങളിൽ വൈറലായി. ട്വിറ്ററിൽ പോസ്റ്റ് ചെയ്ത വീഡിയോയിൽ ഒരു മീറ്റിംഗിൽ കുറച്ച് ഉദ്യോഗസ്ഥർ ഗൗരവമായി സംസാരിക്കുന്നത് കാണാം. അതിനിടെ, അതിഥിക്കായി മേശപ്പുറത്ത് വച്ചിരുന്ന ഒരു കഷ്‌ണം കേക്ക് വിവേകത്തോടെ അകത്താക്കുന്ന എലിയെയും വീഡിയോയിൽ കാണിക്കുന്നു.
                               
ചുറ്റുപാടും ആളുണ്ടായിട്ടും എലി കേക്കിന്റെ കഷ്ണം നുറുങ്ങുന്നത് കാണാമായിരുന്നു. മേശയിലെ അലങ്കാര ഇലകളും പൂക്കളും കാരണം ഈ ജീവി മുറിയിലെ എല്ലാവരിൽ നിന്നും മറഞ്ഞത് കൊണ്ട് അതിഥികളുടെ ശ്രദ്ധയിൽ പെട്ടതുമില്ല. വീഡിയോ റെക്കോർഡ് ചെയ്യുന്ന ആൾ എലിയെ കണ്ടെത്തുകയും ക്യാമറയിൽ പകർത്തുകയും ആയിരുന്നു.

Rat in the meeting... pic.twitter.com/I0cF6Lz8gZ

— Dr Arif Khawaja MDS (@DrArifKhawaja) December 5, 2022

'മീറ്റിംഗിലെ എലി' എന്ന അടിക്കുറിപ്പോടെയാണ് വീഡിയോ പങ്കുവെച്ചിട്ടുള്ളത്. ട്വിറ്ററിൽ 47,000-ലധികം പേരാണ് ഇതുവരെ വീഡിയോ കണ്ടത്. സോഷ്യൽ മീഡിയ ഉപയോക്താക്കളും രസകരമായ കമന്റുകളുമായി രംഗത്തെത്തി. ചിലർ വീഡിയോയെ കളിയാക്കി പറഞ്ഞപ്പോൾ മറ്റു ചിലർ പുകഴ്ത്തി.