ഉത്തരാഖണ്ഡിൽ തുരങ്കത്തിൽ മിന്നൽ പ്രളയം; 6 തൊഴിലാളികൾ മരിച്ചു, രണ്ടുപേർക്കായി തിരച്ചിൽ

ഡെറാഢൂൺ: (KVARTHA) ഉത്തരാഖണ്ഡിൽ മിന്നൽ പ്രളയത്തിന് പിന്നാലെ നിർമാണത്തിലിരുന്ന തുരങ്കത്തിനുള്ളിൽ കുടുങ്ങിയ തൊഴിലാളികളായ ആറുപേർ മരിച്ചു. അപകടത്തിൽ 14 പേർക്ക് പരിക്കേറ്റു. രണ്ട് തൊഴിലാളികൾ ഇപ്പോഴും തുരങ്കത്തിനുള്ളിൽ കുടുങ്ങികിടക്കുകയാണ്. ഇവരെ രക്ഷിക്കാനുള്ള ശ്രമങ്ങൾ തുടരുകയാണ്. മലയോര മേഖലയിലുണ്ടായ മഴയെ തുടർന്നാണ് മിന്നൽ പ്രളയമുണ്ടായതെന്നാണ് പ്രാഥമിക നിഗമനം.

മണ്ണും വെള്ളവും ഇരച്ചെത്തി

ചമോലി ജില്ലയിലെ പിപൽകോട്ടിയിൽ ടിഎച്ച്ഡിസി ജലവൈദ്യുത പദ്ധതിയുടെ ഭാ​ഗമായി നിർമിക്കുന്ന തുരങ്കത്തിലാണ് അപകടമുണ്ടായത്. 2026 ഓഗസ്റ്റ് 13 വ്യാഴാഴ്ച രാത്രി ഏഴുമണിയോടെയായിരുന്നു സംഭവം. പ്രദേശത്ത് മിന്നൽപ്രളയത്തിന് പിന്നാലെ മണ്ണും വെള്ളവും തുരങ്കത്തിനുള്ളിലേക്ക് ഇരച്ചെത്തുകയായിരുന്നു. സംഭവസമയം 22 തൊഴിലാളികളാണ് തുരങ്കത്തിലുണ്ടായിരുന്നത്. ഇവരിൽ 20 പേരെ പുറത്തെത്തിച്ചു. എന്നാൽ, ഇതിൽ ആറുപേരുടെ ജീവൻ രക്ഷിക്കാനായില്ല. പരിക്കേറ്റവരെ ആശുപത്രികളിലേക്ക് മാറ്റി. അപകടത്തിൽപ്പെട്ട തൊഴിലാളികൾ ഏത് സംസ്ഥാനക്കാരാണെന്ന കാര്യത്തിൽ സ്ഥിരീകരണം വന്നിട്ടില്ല.

രക്ഷാപ്രവർത്തനം തുടരുന്നു

ദേശീയ ദുരന്തനിവാരണ സേന, സംസ്ഥാന ദുരന്തനിവാരണ സേന , സൈന്യം, ഇന്തോ ടിബറ്റൻ ബോർഡർ പൊലീസ് എന്നിവർ സംയുക്തമായാണ് രക്ഷാദൗത്യത്തിനായി സ്ഥലത്തുള്ളത്. തുരങ്കത്തിനുള്ളിൽനിന്ന് മണ്ണും അവശിഷ്ടങ്ങളും നീക്കംചെയ്ത് കുടുങ്ങികിടക്കുന്ന രണ്ടുപേരെ കൂടി കണ്ടെത്താനാണ് ശ്രമം. യന്ത്രങ്ങളുടെ സഹായത്തോടെയാണ് തുരങ്കത്തിനുള്ളിലെ ചെളിയും പാറക്കല്ലുകളും പുറത്തേക്ക് മാറ്റുന്നത്.

A horrifying disaster inside the Chamoli, Uttarakhand tunnel.

A sudden leak triggered a torrent of water and mountain debris, turning the tunnel into a deadly quagmire. Six workers have died, two are still missing, and around 14 others remain injured and under treatment.

With… pic.twitter.com/TXkoKo8W1g

— Kailash Vashi (@KailashVashi) August 14, 2026

സ്ഥിതിഗതികൾ നിരീക്ഷിച്ച് മുഖ്യമന്ത്രി

അപകടത്തിൽ പരിക്കേറ്റവരെയെല്ലാം സമീപത്തെ ആശുപത്രികളിലാണ് പ്രവേശിപ്പിച്ചിരിക്കുന്നത്. പരിക്കേറ്റവരെ ചികിത്സയ്ക്കായി മറ്റ് ആശുപത്രികളിലേക്ക് മാറ്റുമെന്ന് അധികൃതർ അറിയിച്ചു. രക്ഷാദൗത്യം നിരീക്ഷിക്കുന്നതായും ആവശ്യമായ എല്ലാ സംവിധാനങ്ങളും സ്ഥലത്ത് ഒരുക്കിയതായും ഉത്തരാഖണ്ഡ് മുഖ്യമന്ത്രി പുഷ്കർ സിങ് ദാമി പറഞ്ഞു. പ്രതികൂല കാലാവസ്ഥയും വെളിച്ചക്കുറവും രക്ഷാപ്രവർത്തനത്തെ ദുഷ്കരമാക്കുന്നുണ്ട്.

ഉത്തരാഖണ്ഡിൽ നിന്നുള്ള ഈ വാർത്ത നിങ്ങളുടെ വാട്സ്ആപ്പ് ഗ്രൂപ്പുകളിൽ ഷെയർ ചെയ്യൂ. കൂടുതല്‍ വാർത്തകള്‍ അറിയാന്‍ ഞങ്ങളുടെ ഫേസ്ബുക്ക് പേജും വാട്സ് ആപ്പ് ചാനലും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് താഴെ കമൻ്റായി രേഖപ്പെടുത്തുക. 

Article Summary: Six workers died and 14 were injured after flash flood hit Uttarakhand tunnel.

#UttarakhandNews #ChamoliTunnelAccident #FlashFlood #NationalNewsMalayalam #PushkarSinghDhami #SobhaNews