ജീവനാംശ കേസിൽ വാദം കേൾക്കാൻ കുടുംബ കോടതിയിലെത്തിയ ദമ്പതികൾ തമ്മിൽ സംഘർഷം; പിന്നാലെ ബന്ധുക്കളുടെ കൂട്ടത്തല്ല്

ലക്നൗ: (KVARTHA) കുടുംബ കോടതിയിൽ വാദം കേൾക്കാനായി എത്തിയ ഭാര്യയെ കോടതി വളപ്പിൽ വെച്ച് ഭർത്താവ് മർദിച്ചതായി പരാതി. ഉത്തർപ്രദേശിലെ മഹാരാജ്‌ഗഞ്ചിലാണ് സംഭവം നടന്നത്. ജീവനാംശ കേസിൽ വാദം കേൾക്കാനെത്തിയ ഭാര്യയെ കോടതി വളപ്പിൽ വെച്ച് ഭർത്താവ് ആക്രമിക്കുകയായിരുന്നു.

തുടർന്നുണ്ടായ തർക്കത്തിൽ ഇരുവരുടെയും കുടുംബക്കാരും സുഹൃത്തുക്കളും കൂടി ചേർന്നതോടെ കോടതിവളപ്പിൽ സംഘർഷമുണ്ടായി. ഇരുകൂട്ടരും പരസ്പരം അടികൂടുന്നതിൻ്റെ വീഡിയോ സമൂഹമാധ്യമങ്ങളിൽ പ്രചരിച്ചിട്ടുണ്ട്. സംഭവത്തിൽ ഇരുകൂട്ടർക്കുമെതിരെ പൊലീസ് കേസ് രജിസ്റ്റർ ചെയ്തു.

ജീവനാംശ കേസും കോടതിയിലെ വാദവും

2026 സെപ്റ്റംബർ 24 വ്യാഴാഴ്ച മഹാരാജ്‌ഗഞ്ച് കുടുംബ കോടതിയിലാണ് സംഭവം നടന്നത്. സമർധിര സ്വദേശിനിയായ പ്രിയ ത്രിപാഠിയും കൊയിലാദട് സ്വദേശിയായ മനീഷ് കുമാർ മിശ്രയും തമ്മിലുള്ള ജീവനാംശ കേസുമായി ബന്ധപ്പെട്ട് കോടതിയിൽ എത്തിയതായിരുന്നു ഇരുവരും.

ഉച്ചയ്ക്ക് 2 മണിക്കാണ് കേസിൽ വാദം കേൾക്കൽ ആരംഭിച്ചത്. വാദം കേൾക്കൽ പൂർത്തിയായ ശേഷം പ്രിയയും സഹോദരി പ്രിയങ്കയും പിതാവും കോടതി മുറിയിൽ നിന്ന് പുറത്തിറങ്ങി താഴത്തെ നിലയിലുള്ള ഹാളിലെത്തി. അവിടെ വെച്ചാണ് പരസ്പരമുള്ള കയ്യാങ്കളി ആരംഭിച്ചതെന്നാണ് ലഭിക്കുന്ന വിവരം.

'മുടിയിൽ പിടിച്ചുവലിച്ചു, കഴുത്തുഞെരിച്ചു'

മനീഷും ഒപ്പമുണ്ടായിരുന്ന മറ്റൊരു വ്യക്തിയും ചേർന്ന് തങ്ങളെ ആക്രമിക്കാൻ ശ്രമിച്ചെന്ന് ഭാര്യ പ്രിയ ആരോപിച്ചു. പ്രിയ പൊലീസിൽ നൽകിയ പരാതി പ്രകാരം, മനീഷ് മുടിയിൽ പിടിച്ചുലച്ച് ആക്രമിക്കുകയും നിലത്ത് തള്ളിയിടുകയും കഴുത്ത് ഞെരിച്ച് അപായപ്പെടുത്താൻ ശ്രമിക്കുകയും ചെയ്തു. ഇത് തടയാനായി പിതാവും സഹോദരിയും ഇടപെട്ടപ്പോൾ അവരെയും മർദിച്ചതായി പ്രിയ ആരോപിച്ചു.

മനീഷീൻ്റെ ആക്രമണത്തിന് പിന്നാലെ പ്രിയയുടെ വീട്ടുകാർ മനീഷിനെയും സുഹൃത്തിനെയും തിരിച്ച് ആക്രമിക്കാൻ തുടങ്ങി. ഇത് പിന്നീട് തമ്മിൽത്തല്ലായി മാറുകയായിരുന്നു. പ്രിയയുടെ കൂടെയുണ്ടായിരുന്ന ആൾ മനീഷിൻ്റെ മുഖത്തടിക്കുന്നത് പുറത്തുവന്ന വീഡിയോയിൽ കാണാം.

Women were being assualted inside court in Maharajganj, UP. An elderly man walks up to one of the attackers and lands a perfect slap. The satisfying "chattt" sound of the slap reverberated in the premises. https://t.co/YLineQgLWc pic.twitter.com/RX7esmNOmY

— Piyush Rai (@Benarasiyaa) September 26, 2026

ഇടപെട്ട് പൊലീസ്; കേസെടുത്തു

കോടതി വളപ്പിൽ ഡ്യൂട്ടിയിലുണ്ടായിരുന്ന പൊലീസ് ഉദ്യോഗസ്ഥർ ബഹളം കേട്ട് സംഭവസ്ഥലത്തെത്തുകയും ഇരുവിഭാഗത്തെയും ശാന്തരാക്കുകയും ചെയ്തു. കോടതി പരിസരത്തെ സിസിടിവി ദൃശ്യങ്ങൾ കൂടി പരിശോധിച്ച ശേഷമാണ് പൊലീസ് രണ്ട് കൂട്ടർക്കുമെതിരെ കേസെടുത്തിരിക്കുന്നത്.

ഈ വാർത്ത നിങ്ങളുടെ വാട്സ്ആപ്പ് ഗ്രൂപ്പുകളിൽ ഷെയർ ചെയ്യൂ. വിവരങ്ങളും മറ്റ് വാർത്തകളും അറിയാൻ ഞങ്ങളുടെ സാമൂഹിക മാധ്യമ പേജുകൾ ഫോളോ ചെയ്യുക. നിങ്ങളുടെ അഭിപ്രായങ്ങൾ താഴെ കമൻ്റായി രേഖപ്പെടുത്തുക. 📢

Article Summary: Manish Kumar Mishra allegedly attacks wife in Maharajganj court.

#Kvartha #MaharajganjCourt #UPOffences #FamilyCourtBrawl #CrimeNews #MalayalamNationalNews #SobhaNews