Bizarre | കടുത്ത വയറുവേദനയെ തുടര്ന്ന് ആശുപത്രിയില് പ്രവേശിപ്പിച്ച നവവധു കുഞ്ഞിന് ജന്മം നല്കി
Jun 30, 2023, 12:31 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
നോയിഡ: (www.kvartha.com) കടുത്ത വയറുവേദനയുമായി ആശുപത്രിയില് പ്രവേശിപ്പിച്ച നവവധു കല്യാണപ്പിറ്റേന്ന് പ്രസവിച്ചു. ഗ്രേറ്റര് നോയിഡയിലാണ് സംഭവം നടന്നത്. സെകന്ദരാബാദ് സ്വദേശിയായ യുവതിയാണ് പെണ്കുഞ്ഞിനെ പ്രസവിച്ചത്.
തുടര്ന്ന് വധുവിന്റെ കുടുംബം തെലങ്കാനയില്നിന്നെത്തി കുഞ്ഞിനെയും അമ്മയെയും കൂട്ടിക്കൊണ്ടുപോയി. യുവതിയുമായി ബന്ധം തുടരാന് ആഗ്രഹിക്കുന്നില്ലെന്ന് വരനും വീട്ടുകാരും വ്യക്തമാക്കി. ഇരുകുടുംബങ്ങളും തമ്മില് ധാരണയിലെത്തിയതിനാല് കേസ് രെജിസ്റ്റര് ചെയ്തിട്ടില്ലെന്ന് പൊലീസ് അറിയിച്ചു.
ജൂണ് 26 നായിരുന്നു ഇരുവരുടെയും വിവാഹം. കല്യാണരാത്രിയില് കടുത്ത വയറുവേദന അനുഭവപ്പെടുന്നതായി യുവതി പറഞ്ഞതിനെ തുടര്ന്ന് ഭര്ത്താവും വീട്ടുകാരും ചേര്ന്ന് ആശുപത്രിയില് എത്തിക്കുകയായിരുന്നു. തുടര്ന്ന് ഡോക്ടര്മാര് നടത്തിയ പരിശോധനയിലാണ് യുവതി ഏഴുമാസം ഗര്ഭിണിയാണെന്ന് അറിഞ്ഞത്. പിറ്റേന്ന് പുലര്ചയോടെ യുവതി പ്രസവിക്കുകയായിരുന്നു.
പെണ്കുട്ടി ഗര്ഭിണിയായിരുന്നുവെന്ന് അറിയാമായിരുന്നുവെന്നും എന്നാല് വരന്റെ വീട്ടുകാരില്നിന്ന് വിവരം മറച്ച് വച്ചതാണെന്നും വധുവിന്റെ വീട്ടുകാര് സമ്മതിച്ചു. വയറ്റില്നിന്നു കല്ല് നീക്കം ചെയ്യുന്ന ശസ്ത്രക്രിയയ്ക്കു വിധേയയാക്കിയതിനാലാണ് വയര് വീര്ത്തിരിക്കുന്നതെന്നായിരുന്നു വരന്റെ വീട്ടുകാരോട് പറഞ്ഞിരുന്നതെന്ന് ബന്ധുക്കള് അറിയിച്ചു.
Keywords: News, National, National-News, Regional-News, Complaint, Police, Family, Groom, UP, Bride, Stomach Ache, Birth, Wedding, UP: Bride complains of stomach ache, gives birth day after wedding.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
