Candidate | കേന്ദ്രമന്ത്രി ജോര്‍ജ് കുര്യന്‍ മധ്യപ്രദേശില്‍ നിന്ന് രാജ്യസഭയിലേക്ക് മത്സരിക്കും; സ്ഥാനാര്‍ഥികളുടെ പേരുകള്‍ പ്രഖ്യാപിച്ച് ബിജെപി 

ന്യൂഡെല്‍ഹി: (KVARTHA) സഹമന്ത്രിയായി കേന്ദ്രമന്ത്രി സഭയിലേക്കെത്തിയ ജോര്‍ജ് കുര്യന്‍ മധ്യപ്രദേശില്‍ നിന്ന് രാജ്യസഭയിലേക്ക് മത്സരിക്കും. ജോര്‍ജ് കുര്യനെ കൂടാതെ രാജ്യസഭയിലേക്ക് മത്സരിക്കുന്ന മറ്റ് ഒമ്പത് സ്ഥാനാര്‍ഥികളുടെ പേരും ബിജെപി പ്രഖ്യാപിച്ചു. കേന്ദ്രമന്ത്രി രവ് നീത് സിങ് ബിട്ടു രാജസ്താനില്‍ നിന്നും മത്സരിക്കും. കോണ്‍ഗ്രസ് നേതാവും ആലപ്പുഴ എംപിയുമായ കെസി വേണുഗോപാല്‍ ഒഴിഞ്ഞ രാജ്യസഭാ സീറ്റിലാണ് രാജസ്താനിലെ മത്സരം.

മധ്യപ്രദേശ്, രാജസ്താന്‍, അസം, ബിഹാര്‍, ഹരിയാന, മഹാരാഷ്ട്ര, ഒഡീഷ, ത്രിപുര എന്നീ സംസ്ഥാനങ്ങളിലാണ് രാജ്യസഭാ തിരഞ്ഞെടുപ്പ് നടക്കുന്നത്. അസമില്‍ രണ്ട് സീറ്റുകളില്‍ ഒഴിവുണ്ട്. ബിജെപിയുടെ മധ്യപ്രദേശിലെ സ്ഥാനാര്‍ഥിയെന്ന നിലയില്‍ കുര്യന്റെ തിരഞ്ഞെടുപ്പ് പരിമിതികളില്ലാത്ത രാഷ്ട്രീയ പ്രവൃത്തികള്‍ക്ക് പുതിയ മാര്‍ഗ്ഗങ്ങള്‍ തുറക്കും.

രാജ്യസഭാ തിരഞ്ഞെടുപ്പില്‍ മികവ് തെളിയിക്കാന്‍ കുര്യന്റെ നേതൃത്വത്തില്‍ ബിജെപിയുടെ പരിപൂര്‍ണ്ണ ശ്രമങ്ങളാണ് മുന്നില്‍. സ്ത്രീകളുടെയും ന്യൂനപക്ഷങ്ങളുടെ ഉന്നമനത്തിനായുള്ള അദ്ദേഹത്തിന്റെ പ്രവര്‍ത്തനങ്ങള്‍ ഈ തിരഞ്ഞെടുപ്പില്‍ പ്രധാന വിഷയമായി ഉയര്‍ന്നേക്കാമെന്നാണ് വിലയിരുത്തല്‍.

ലോക് സഭാ തിരഞ്ഞെടുപ്പില്‍ തൃശൂരില്‍ നിന്നു വിജയിച്ച സുരേഷ് ഗോപിയെ കൂടാതെ ജോര്‍ജ് കുര്യനും കേരളത്തില്‍നിന്നു കേന്ദ്രമന്ത്രിസഭയില്‍ അംഗമായിരുന്നു. സത്യപ്രതിജ്ഞയ്ക്ക് തൊട്ടുമുമ്പാണ് ജോര്‍ജ് കുര്യനെ മന്ത്രിസഭാംഗം ആകാന്‍ പ്രധാനമന്ത്രി ക്ഷണിച്ചത്. ഫിഷറീസ്, മൃഗസംരക്ഷണം, ക്ഷീര, ന്യൂനപക്ഷകാര്യ വകുപ്പുകളുടെ സഹമന്ത്രിസ്ഥാനമാണ് അദ്ദേഹം വഹിക്കുന്നത്. 

ജോര്‍ജ് കുര്യന്‍ 1980-കളില്‍ ബിജെപിയില്‍ ചേരുകയും, വിദ്യാര്‍ത്ഥി മോര്‍ച്ചയിലൂടെ രാഷ്ട്രീയത്തിലേക്ക് പ്രവേശിക്കുകയും ചെയ്തു. യുവമോര്‍ച്ചയുടെ ദേശീയ ജനറല്‍ സെക്രട്ടറി എന്ന നിലയില്‍ പ്രവര്‍ത്തിക്കുകയും, ന്യൂനപക്ഷ കമ്മീഷന്റെ വൈസ് ചെയര്‍മാനായും തുടര്‍ച്ചയായി മൂന്ന് വര്‍ഷം സേവനം അനുഷ്ഠിക്കുകയും ചെയ്തു.

#GeorgeKurian #BJP #RajyaSabha #MadhyaPradesh #IndianPolitics #Elections2024