Bank accounts | നിങ്ങൾക്ക് ഒന്നിൽ കൂടുതൽ ബാങ്ക് അക്കൗണ്ടുകൾ ഉണ്ടോ? എങ്കിൽ ശ്രദ്ധിക്കുക, ഇത് ഒരു പ്രശ്നമാകാം!

മിനിമം ബാലൻസ്

ഉപയോഗിക്കാത്ത ബാങ്ക് അക്കൗണ്ട് ക്ലോസ് ചെയ്യാൻ ശ്രദ്ധിക്കുക. അല്ലെങ്കിൽ, ഈ അക്കൗണ്ടുകളിൽ മിനിമം ബാലൻസ് നിലനിർത്തേണ്ടത് നിർബന്ധമാണ്. മാത്രമല്ല, മിനിമം ബാലൻസ് സംബന്ധിച്ച് പല ബാങ്കുകൾക്കും വ്യത്യസ്ത നിയമങ്ങളുണ്ട്. നിങ്ങൾ ഈ ബാങ്ക് അക്കൗണ്ടുകൾ ഉപയോഗിക്കുന്നില്ലെങ്കിൽ, അവ അടയ്ക്കുന്നതാണ് നല്ലത്. അല്ലാത്തപക്ഷം, മിനിമം ബാലൻസ് ഇല്ലാത്തതിന്റെ പേരിൽ പിഴ ചുമത്തപ്പെടും, അത് തുടർച്ചയായി വർധിച്ചുകൊണ്ടിരിക്കും. നിങ്ങൾ തുടർച്ചയായി പിഴയടച്ചാൽ, നിങ്ങളുടെ സിബിൽ (CIBIL) സ്കോർ മോശമാകും.

വായ്‌പ

നിങ്ങൾ എപ്പോഴെങ്കിലും വായ്പ എടുക്കാൻ ആഗ്രഹിക്കുന്നുവെങ്കിൽ, അധിക ബാങ്ക് അക്കൗണ്ടുകൾ കാരണം പ്രശ്‌നങ്ങൾ ഉണ്ടായേക്കാം. ഇതുകൂടാതെ, നിങ്ങൾ മറ്റേതെങ്കിലും അക്കൗണ്ടിൽ ക്രെഡിറ്റ് കാർഡ് എടുത്തിരിക്കുകയും ബിൽ അടക്കാതെ കിടക്കുകയും ചെയ്താൽ, നിങ്ങളുടെ സിബിൽ സ്കോർ കുറയുകയും വായ്പ ലഭിക്കുന്നതിൽ ബുദ്ധിമുട്ട് നേരിടുകയും ചെയ്യാം.

വിവിധ കാർഡുകൾ

നിങ്ങൾ തുറക്കുന്ന എല്ലാ ബാങ്ക് അക്കൗണ്ടുകളിൽ നിന്നും ഡെബിറ്റ് കാർഡുകൾ ലഭിക്കും. ചില അക്കൗണ്ടുകളിൽ ക്രെഡിറ്റ് കാർഡുകളും ലഭിക്കാം. അതേസമയം, ആളുകൾ അവരുടെ പഴയ അക്കൗണ്ടുകൾ അടയ്ക്കുമ്പോൾ, ഡെബിറ്റ്-ക്രെഡിറ്റ് കാർഡ് ക്ലോസ് ചെയ്യാൻ പലപ്പോഴും മറക്കുന്നു. ഇക്കാരണത്താൽ, അധിക ചാർജിന്റെ ഭാരം നിങ്ങളെ ബാധിക്കാം. അതിനാൽ, ഈ കാർഡുകൾ ഉപയോഗത്തിലില്ലെങ്കിൽ അവയും ക്ലോസ് ചെയ്യുക.

ആദായനികുതി റിട്ടേൺ

ആദായനികുതി റിട്ടേൺ ഫയൽ ചെയ്യുമ്പോഴെല്ലാം ബാങ്ക് അക്കൗണ്ടിന്റെ ഐഎഫ്‌സി കോഡ് വിവരങ്ങൾ സൂചിപ്പിക്കേണ്ടതുണ്ട്, സേവിംഗ്‌സ് അക്കൗണ്ടുകളിലെയും സാമ്പത്തിക വർഷത്തിലെ മറ്റ് ഇടപാടുകളിലെയും വരുമാനം റിപ്പോർട്ട് ചെയ്യണം. ധാരാളം ബാങ്ക് അക്കൗണ്ടുകൾ ഉണ്ടെങ്കിൽ ആദായനികുതി റിട്ടേൺ ഫയൽ ചെയ്യുന്നതിൽ ബുദ്ധിമുട്ടുകൾ ഉണ്ടാകുന്നു. റിട്ടേൺ ഫയൽ ചെയ്യുമ്പോൾ എന്തെങ്കിലും പിഴവ് സംഭവിച്ചാൽ നോട്ടീസും നൽകും.

ശ്രദ്ധിക്കുക

ഒന്നിലധികം ബാങ്ക് അക്കൗണ്ടുകൾ തുറക്കുന്നത് എളുപ്പമാണെങ്കിലും, അവയെല്ലാം പരിപാലിക്കുന്നത് വളരെ വെല്ലുവിളി നിറഞ്ഞതാണ്. ഒരു വർഷത്തേക്ക് ഇടപാടുകൾ ഇല്ലെങ്കിൽ സേവിംഗ്സ് അല്ലെങ്കിൽ കറന്റ് അക്കൗണ്ടുകൾ പ്രവർത്തനരഹിതമാകും. രണ്ട് വർഷത്തേക്ക് ഇടപാട് നടന്നില്ലെങ്കിൽ, അക്കൗണ്ട് ഡോർമാറ്റ് അക്കൗണ്ടിലേക്ക് മാറ്റും. അതിനാൽ, അക്കൗണ്ട് ഡോർമാറ്റ് ആകുന്നതിന് മുമ്പ് അക്കൗണ്ട് ക്ലോസ് ചെയ്യാൻ വിദഗ്ധർ നിർദേശിക്കുന്നു.