ന്യൂഡെൽഹി: (KVARTHA) തെൽ അവീവിലെ വിമാനത്താവളത്തിന് സമീപം മിസൈൽ ആക്രമണം ഉണ്ടായതിനെ തുടർന്ന് ഡൽഹിയിൽ നിന്ന് ഇസ്രായേൽ തലസ്ഥാനത്തിലേക്കുള്ള എയർ ഇന്ത്യയുടെ വിമാനം അബുദാബിയിലേക്ക് തിരിച്ചുവിട്ടതാായി വാർത്താ ഏജൻസിയായ പി.ടി.ഐ റിപ്പോർട്ട് ചെയ്തു.

എ.എഫ്.പി വാർത്താ ഏജൻസിയുടെ റിപ്പോർട്ട് അനുസരിച്ച്, തെൽ അവീവിലെ ഒരു വിമാനത്താവളത്തിലെ ഉദ്യോഗസ്ഥനും വിമാനം വഴിതിരിച്ചുവിട്ടതായി സ്ഥിരീകരിച്ചു. വിമാനം തെൽ അവീവിൽ ലാൻഡ് ചെയ്യുന്നതിന് ഏകദേശം ഒരു മണിക്കൂർ മുൻപാണ് ആക്രമണം നടന്നതെന്ന് പി.ടി.ഐ വൃത്തങ്ങളെ ഉദ്ധരിച്ച് റിപ്പോർട്ട് ചെയ്യുന്നു.

ബോയിംഗ് 787 വിമാനത്തിൽ സർവീസ് നടത്തുന്ന എയർ ഇന്ത്യയുടെ എ.ഐ 139 വിമാനം ഡൽഹിയിലേക്ക് തിരികെ പോകുമെന്നും അധികൃതർ അറിയിച്ചതായി റിപ്പോർട്ടിൽ പറയുന്നു. ഫ്ലൈറ്റ് ട്രാക്കിംഗ് വെബ്സൈറ്റായ ഫ്ലൈറ്റ്റാഡാർ 24 ഡോട് കോമിലെ വിവരങ്ങൾ അനുസരിച്ച്, ഈ എയർ ഇന്ത്യ വിമാനം ജോർദാന്റെ വ്യോമാതിർത്തിയിൽ എത്തിയപ്പോഴാണ് അധികൃതർ അബുദാബിയിലേക്ക് വഴിതിരിച്ചുവിടാൻ തീരുമാനിച്ചത്.

അതേസമയം, തെൽ അവീവിൽ നിന്ന് ഡൽഹിയിലേക്കുള്ള എയർ ഇന്ത്യയുടെ ഞായറാഴ്ചത്തെ വൈകിട്ടത്തെ വിമാനം റദ്ദാക്കിയിട്ടുണ്ട്. എന്നാൽ ഇത് സംബന്ധിച്ച് എയർ ഇന്ത്യ ഔദ്യോഗികമായി ഇതുവരെ പ്രതികരിച്ചിട്ടില്ല. 

യെമനിൽ നിന്ന് വിക്ഷേപിച്ച മിസൈൽ തെൽ അവീവ് വിമാനത്താവളത്തിന് സമീപം പതിച്ചതിനെ തുടർന്നാണ് തെൽ അവീവ് വിമാനത്താവളത്തിലേക്കുള്ള വിമാന ഗതാഗതം താൽക്കാലികമായി നിർത്തിവച്ചത്..

ഇസ്രായേലിന് നേരെ മിസൈൽ ആക്രമണം

അറ്റ്ഝേസമയം  ഞായറാഴ്ച ഇസ്രായേലിന്റെ പ്രധാന വിമാനത്താവളത്തിന്റെ പരിസരത്ത് മിസൈൽ പതിച്ചതായി സ്ഥിരീകരിച്ചു. ഈ ആക്രമണത്തിൽ ആറ് പേർക്ക് പരിക്കേറ്റതായും വിമാനത്താവളത്തിൻ്റെ പ്രവർത്തനങ്ങൾ നിർത്തിവച്ചതായും എ.എഫ്.പി റിപ്പോർട്ട് ചെയ്തു. മിസൈൽ പതിച്ച സ്ഥലത്ത് വലിയൊരു ഗർത്തം രൂപപ്പെട്ടിട്ടുണ്ട്.

ഈ ആക്രമണത്തിന്റെ ഉത്തരവാദിത്തം യെമനിലെ ഇറാൻ പിന്തുണയുള്ള ഹൂത്തി വിമതർ ഏറ്റെടുത്തു. ഫലസ്തീനികൾക്ക് ഐക്യദാർഢ്യം പ്രഖ്യാപിച്ച് ഗാസയിലെ യുദ്ധത്തിലുടനീളം ഹൂത്തി വിമതർ ഇസ്രായേലിനെ ആക്രമിച്ചിട്ടുണ്ട്. 

ഗാസ മുനമ്പിൽ രാജ്യത്തിന്റെ സൈനിക നടപടികൾ കൂടുതൽ ശക്തമാക്കണോ വേണ്ടയോ എന്ന് ഇസ്രായേലി മന്ത്രിസഭ വോട്ടെടുപ്പ് നടത്താനിരിക്കെയാണ് ഈ ആക്രമണം ഉണ്ടായത്.

ഇസ്രായേലി മാധ്യമങ്ങൾ പങ്കുവെച്ച ദൃശ്യങ്ങളിൽ വിമാനത്താവളത്തിൽ പുക ഉയരുന്നത് കാണാം. യാത്രക്കാർ നിലവിളിക്കുന്നതും സുരക്ഷിത സ്ഥാനങ്ങൾ തേടി ഓടുന്നതും ദൃശ്യങ്ങളിൽ വ്യക്തമായിരുന്നു.

ഈ വാർത്ത നിങ്ങളുടെ സുഹൃത്തുക്കളുമായി പങ്കുവെക്കുക. ഇതിനെക്കുറിച്ചുള്ള നിങ്ങളുടെ അഭിപ്രായങ്ങൾ രേഖപ്പെടുത്തുക. 

Article Summary: A missile attack near Tel Aviv airport forced a Delhi-bound Air India flight to divert to Abu Dhabi. The attack, claimed by Yemen's Houthi rebels, injured six and halted airport operations. The Sunday flight from Tel Aviv to Delhi was also canceled.

#TelAvivAttack, #AirIndia, #FlightDiversion, #IsraelNews, #HouthiRebels, #AbuDhabi