Joins BJP | തമിഴ് നാട്ടിലെ കോൺഗ്രസ് എംഎൽഎ ബിജെപിയിൽ ചേർന്നു; പാർട്ടി നേതൃത്വം ഞെട്ടലിൽ

ഡെൽഹിയിൽ ബിജെപി ആസ്ഥാനത്ത് കേന്ദ്രമന്ത്രി എൽ മുരുകൻ്റെ സാന്നിധ്യത്തിലാണ് വിജയധരണി ബിജെപിയിൽ ചേർന്നത്. നിലവിൽ നിയമസഭാ കോൺഗ്രസ് പാർട്ടി വിപ്പാണ്. പാർട്ടിയിൽ തനിക്ക് പ്രാധാന്യം നൽകാത്തതിൽ വിജയധരണി കോൺഗ്രസ് നേതൃത്വത്തോട് അതൃപ്തയാണെന്നും അവർ ബിജെപിയിൽ ചേരാൻ പോകുന്നുവെന്നും കഴിഞ്ഞ കുറച്ച് ദിവസങ്ങളായി റിപ്പോർട്ടുകളുണ്ടായിരുന്നു. എന്നാൽ ബിജെപിയുടെ കെണിയിൽ വിജയധരണി വീഴില്ലെന്ന് തമിഴ്‌നാട് കോൺഗ്രസ് കമ്മിറ്റി പ്രസിഡൻ്റ് സെൽവപെരുന്ദഗൈ പറഞ്ഞിരുന്നു.

കോൺഗ്രസ് നേതാവും കന്യാകുമാരി ലോക്‌സഭ മണ്ഡലം എംപിയുമായിരുന്ന എച്ച് വസന്തകുമാർ കൊറോണ ബാധിച്ച് മരിച്ചതിനെ തുടർന്ന് മണ്ഡലത്തിൽ ഉപതെരഞ്ഞെടുപ്പ് വന്നപ്പോൾ വിജയധരണി മത്സരിക്കാൻ ആഗ്രഹിച്ചിരുന്നു. എന്നാൽ പാർട്ടി നേതൃത്വം വിജയധരണിക്ക് അവസരം നൽകാതെ അന്തരിച്ച വസന്തകുമാറിൻ്റെ മകൻ വിജയ് വസന്തിനെ മത്സരിപ്പിക്കുകയായിരുന്നു. ഇദ്ദേഹം ജയിച്ച് എംപിയും ആയി. അന്നുമുതൽ കോൺഗ്രസ് നേതൃത്വത്തോട് നല്ല ബന്ധത്തിലല്ല എംഎൽഎ. 2021ൽ തന്നെ കോൺഗ്രസ് നിയമസഭാ കക്ഷി നേതാവായി നിയമിക്കാത്തതിലും വിജയധരണിക്ക് അതൃപ്തിയുണ്ടായിരുന്നുവെന്നാണ് റിപ്പോർട്ടുകൾ.

Keywords: News, National, Chennai, Tamil Nadu, Congress, MLA, BJP, Congress, Party, Leader, Report,  Tamil Nadu Congress MLA joins BJP.
< !- START disable copy paste -->