സസ്‌പെന്‍ഷനിലായ പ്രൊഫസര്‍ റോഡില്‍ ക്ലാസെടുത്ത് പ്രതിഷേധിച്ചു

മുംബൈ: വൈസ് ചാന്‍സിലറെ കുറ്റപ്പെടുത്തിയതിന് സസ്‌പെന്‍ഷനിലായ പ്രൊഫസര്‍ റോഡില്‍ വെച്ച് വിദ്യാര്‍ത്ഥികള്‍ക്ക് ക്ലാസെടുത്തു.  മുംബൈ യൂണിവേഴ്‌സിറ്റിയിലെ സാമ്പത്തിക വിഭാഗം പ്രൊഫസര്‍ ഡോ. നീരജ് ഹടേകറാണ്  സസ്‌പെന്‍ഷനില്‍ പ്രതിഷേധിച്ച് റോഡില്‍ വെച്ച് ക്ലാസെടുത്തത്.

യൂണിവേഴ്‌സിറ്റിയിലെ അക്കാദമിക്ക് നിലവാര തകര്‍ച്ചയില്‍ വൈസ് ചാന്‍സിലറെ കുറ്റപ്പെടുത്തി കഴിഞ്ഞ മാസം നീരജ് പരസ്യമായി രംഗത്ത് വന്നതിനെ തുടര്‍ന്ന് ജനുവരി നാലിനാണ് നീരജിനെ സസ്‌പെന്‍ഡ് ചെയ്തത്.

എന്നാല്‍ പ്രൊഫസറെ സസ്‌പെന്‍ഡ് ചെയ്ത നടപടിക്കെതിരെ വിദ്യാര്‍ത്ഥികള്‍ പ്രതിഷേധവുമായി രംഗത്തെത്തി. പ്രൊഫസറുടെ  ഭാഗത്തു നിന്നുള്ള ഒരു കാര്യവും  വിശദീകരിക്കാന്‍ അനുവദിക്കാതെയാണ് അദ്ദേഹത്തെ  സസ്‌പെന്‍ഡ് ചെയ്തതെന്ന് വിദ്യാര്‍ത്ഥികള്‍ ആരോപിച്ചു.

മാത്രമല്ല, പ്രൊഫസറെ സസ്‌പെന്‍ഡ് ചെയ്ത  നടപടി പിന്‍വലിക്കണമെന്നാവശ്യപ്പെട്ട് കഴിഞ്ഞ ആഴ്ച വിദ്യാര്‍ത്ഥികള്‍ പഠിപ്പ് മുടക്കുകയും ചെയ്തിരുന്നു.


ഓണ്‍ലൈനിലും പ്രതിഷേധം ശക്തമായിരുന്നു. നാനാഭാഗങ്ങളില്‍ നിന്നും
സസ്‌പെന്‍ഷനെതിരെ പ്രതിഷേധം ഉയര്‍ന്ന അവസരത്തില്‍ യൂണിവേഴ്‌സിറ്റി നടപടി നിയമവിരുദ്ധമാണെന്ന് കാട്ടി നീരജ് ഹൈക്കോടതിയെ സമീപിച്ചിരിക്കയാണ്.
പ്രമുഖ രാഷ്ട്രീയ നേതാവ് മരിച്ചതായുള്ള വ്യാജ സന്ദേശം ആശങ്കപരത്തി