ചികിത്സയോട് പ്രതികരിക്കുന്നില്ല: 32-കാരന് ദയാവധം അനുവദിക്കണമെന്ന ഹർജി സുപ്രീംകോടതി പരിഗണിക്കും

ന്യൂഡൽഹി: (KVARTHA) കെട്ടിടത്തിൽനിന്ന് വീണതിനെത്തുടർന്ന് കഴിഞ്ഞ 13 വർഷമായി ചലനശേഷിയും ബോധവുമില്ലാതെ കിടക്കുന്ന 32-കാരന് നിഷ്ക്രിയ ദയാവധം അനുവദിക്കണമെന്ന ആവശ്യം സുപ്രീംകോടതി വീണ്ടും പരിഗണിക്കും. ഇതിനായി രണ്ടാം മെഡിക്കൽ ബോർഡ് രൂപവത്കരിക്കാൻ സുപ്രീംകോടതി ഉത്തരവിട്ടു. യുവാവിനെ ഈയവസ്ഥയിൽ തുടരാൻ അനുവദിക്കാനാവില്ലെന്ന് നിരീക്ഷിച്ച കോടതി, കേസ് ഈ മാസം 18-ലേക്ക് മാറ്റി.

ഹരീഷ് റാണ എന്ന 32-കാരന് നിഷ്ക്രിയ ദയാവധം അനുവദിക്കണമെന്നാവശ്യപ്പെട്ട് പിതാവ് അശോക് റാണയാണ് സുപ്രീംകോടതിയെ സമീപിച്ചത്. കഴിഞ്ഞ വർഷം റാണയുടെ ആവശ്യം സുപ്രീംകോടതി തള്ളിയിരുന്നു. 

തുടര്‍ന്ന് സുപ്രീംകോടതിയുടെ നിർദേശപ്രകാരം ഉത്തർപ്രദേശ് സർക്കാർ ഹരീഷിന്റെ ചികിത്സ ഏറ്റെടുക്കുകയായിരുന്നു. എന്നാൽ, മകൻ്റെ ആരോഗ്യനില വീണ്ടും മോശമായെന്നും ചികിത്സകളോട് പ്രതികരിക്കുന്നില്ലെന്നും ചൂണ്ടിക്കാട്ടിയാണ് പിതാവ് വീണ്ടും സുപ്രീംകോടതിയെ സമീപിച്ചിരിക്കുന്നത്.

രണ്ടാം മെഡിക്കൽ ബോർഡ് രൂപവത്കരിക്കും

ഹരീഷ് റാണയുടെ ഇപ്പോഴത്തെ ആരോഗ്യസ്ഥിതി സംബന്ധിച്ച് നോയ്ഡ ജില്ലാ ആശുപത്രിയുടെ പ്രാഥമിക മെഡിക്കൽ ബോർഡ് വിലയിരുത്തൽ നടത്തിയിരുന്നു. യുവാവിന് ഇപ്പോഴത്തെ സ്ഥിതിയിൽനിന്ന് മാറ്റമുണ്ടാവാനുള്ള സാധ്യത അതിവിരളമാണ്. അതിനാൽ ജീവൻരക്ഷാ ഉപകരണങ്ങൾ പിൻവലിക്കാമെന്നുമാണ് പ്രാഥമിക ബോർഡ് വിലയിരുത്തിയത്. 

ഈ റിപ്പോർട്ടിൻ്റെ അടിസ്ഥാനത്തിലാണ് നിഷ്ക്രിയ ദയാവധം അനുവദിക്കുന്ന വിഷയം പരിശോധിക്കുന്നതിനായി രണ്ടാം മെഡിക്കൽ ബോർഡ് രൂപീകരിക്കാൻ ഡൽഹി എയിംസിനോട് സുപ്രീംകോടതി നിർദേശിച്ചത്. വിദഗ്ദ്ധ ഡോക്ടർമാർ അടങ്ങുന്ന ഈ ബോർഡ് യുവാവിൻ്റെ അവസ്ഥ വീണ്ടും പരിശോധിച്ച് റിപ്പോർട്ട് സമർപ്പിക്കേണ്ടതുണ്ട്. ഹരീഷ് റാണയുടെ കാര്യത്തിൽ സുപ്രീംകോടതിയുടെ അന്തിമ തീരുമാനം ഈ മാസം 18-ന് ഉണ്ടാകുമെന്നാണ് കരുതുന്നത്.

ഈ വാർത്തയെക്കുറിച്ച് നിങ്ങളുടെ അഭിപ്രായമെന്താണ്? കമൻ്റ് ചെയ്യുക. ഈ വാർത്ത പങ്കുവെക്കുക. 

Article Summary: Supreme Court orders second medical board for 32-year-old in PVS, considering passive euthanasia plea.

#SupremeCourt #Euthanasia #PassiveEuthanasia #MedicalBoard #HarishRana #LegalNews