Tragic Incident | മെഡിക്കൽ കോളജ് ഹോസ്റ്റലിൽ നിന്ന് വിദ്യാർഥിനി വീണു മരിച്ചു

ചെന്നൈ: (KVARTHA) കാഞ്ചീപുരം മീനാക്ഷി മെഡിക്കൽ കോളേജ് ഹോസ്റ്റലിന്റെ അഞ്ചാം നിലയിൽ നിന്ന് വീണ് തൂത്തുക്കുടി സ്വദേശിയായ ഷേർളി (23) എന്ന മെഡിക്കൽ വിദ്യാർഥിനി മരിച്ചു. പോലീസ് പറയുന്നതനുസരിച്ച്, സംഭവം നടക്കുന്ന സമയത്ത് സഹപാഠികളും കോളജ് അധികൃതരും സമീപത്തുണ്ടായിരുന്നു.

പോലീസിന്റെ പ്രാഥമിക അന്വേഷണത്തിൽ, ഷേർളിക്ക് വിഷാദരോഗം ഉണ്ടായിരുന്നതായി കണ്ടെത്തിയിട്ടുണ്ട്. അടുത്ത കാലത്ത് അവർ ചികിത്സയിലും ഉണ്ടായിരുന്നു. സംഭവം നടക്കുന്നതിന് മുമ്പ്, ഷേർളി കെട്ടിടത്തിന്റെ മുകളിൽ നിന്ന് കരയുന്നത് കണ്ടതായി സമീപത്തെ കെട്ടിടത്തിലുള്ളവർ പറഞ്ഞു. ഉടൻ തന്നെ അവർ കോളേജ് അധികൃതരെ വിവരം അറിയിച്ചു. സഹപാഠികളും അധികൃതരും ചേർന്ന് ഷേർളിയെ താഴെ വല വിരിക്കാനുള്ള നടപടികൾ സ്വീകരിച്ചിരുന്നുവെങ്കിലും, അതിന് മുമ്പ് തന്നെ അവർ ചാടുകയായിരുന്നുവെന്നണ് റിപോർട്ട്.

പോലീസ് ഇക്കാര്യത്തിൽ കേസെടുത്ത് അന്വേഷണം ആരംഭിച്ചിട്ടുണ്ട്. മൃതദേഹം പോസ്റ്റ്‌മോർട്ടത്തിനായി അയച്ചു.

Disclaimer: ഈ വാർത്ത പോലീസിന്റെ പ്രാഥമിക വിവരങ്ങളെ അടിസ്ഥാനമാക്കിയുള്ളതാണ്. അന്വേഷണത്തിന്റെ അവസാന ഫലം വ്യത്യസ്തമായിരിക്കാം.

#MedicalStudent, #ChennaiIncident, #HostelDeath, #StudentSafety, #DepressionAwareness, #Kanchipuram