Prevent Strokes | സ്ട്രോക്ക് തടയാം; ഹൃദയധമനികളിലെ രക്തചംക്രമണം മെച്ചപ്പെടുത്തുന്നതിനുള്ള മികച്ച 7 ആയുർവേദ പാനീയങ്ങൾ ഇതാ; എളുപ്പത്തിൽ തയ്യാറാക്കാം!

ന്യൂഡെൽഹി: (KVARTHA) ഹൃദയാരോഗ്യ പ്രശ്നങ്ങളുടെ പ്രധാന കാരണങ്ങളിലൊന്ന് മോശം രക്തചംക്രമണമാണ്. ധമനികൾക്കുള്ളിലെ രക്തം ഒഴുകാൻ പ്രയാസമുള്ളതായി കാണുമ്പോൾ അത് ഹൃദയാഘാതം, സ്ട്രോക്ക് തുടങ്ങിയ ആരോഗ്യപ്രശ്നങ്ങൾക്ക് കാരണമാകും. രക്തവിതരണം തടസപ്പെടുന്നതുമൂലം മസ്തിഷ്‌കാഘാതത്തിലേക്ക് നയിക്കാം. സ്ട്രോക്കുകൾ തടയുന്നതിനുള്ള സ്വാഭാവിക മാർഗം പ്രാഥമികമായി രക്തചംക്രമണം വർധിപ്പിക്കുക എന്നതാണ്.
  
പ്രാചീന ഭാരതീയ വൈദ്യപാരമ്പര്യമായ ആയുർവേദം, സ്വാഭാവികമായും രക്തചംക്രമണം വർധിപ്പിക്കുകയും അങ്ങനെ സ്ട്രോക്ക് അപകടസാധ്യത കുറയ്ക്കുകയും ചെയ്യുന്ന വിവിധ ഔഷധങ്ങൾ വാഗ്ദാനം ചെയ്യുന്നു. ഹൃദയധമനികളിലെ രക്തചംക്രമണം മെച്ചപ്പെടുത്തുന്നതിനുള്ള മികച്ച ഏഴ് ആയുർവേദ പാനീയങ്ങൾ ഇതാ


ചൂടുള്ള മഞ്ഞൾ പാൽ

മഞ്ഞൾ അപാരമായ ആൻറി-ഇൻഫ്ലമേറ്ററി, ആൻ്റിഓക്‌സിഡൻ്റ് ഗുണങ്ങൾക്ക് പ്രശസ്തമാണ്. നന്നായി ഇഷ്ടപ്പെടുന്ന ആയുർവേദ കഷായമാണ് ചൂടുള്ള മഞ്ഞൾ ചേർത്ത പാൽ, ഇത് ശരീരത്തിനുള്ളിലെ രക്തയോട്ടം വർധിപ്പിക്കാൻ സഹായിക്കുന്നു. ഈ പാനീയം തയ്യാറാക്കാൻ, ഒരു കപ്പ് ചെറുചൂടുള്ള പാലിൽ ഒരു ടീസ്പൂൺ മഞ്ഞൾപ്പൊടിയും ഒരു ചെറുകുരുമുളകും ചേർക്കുക. ഉറങ്ങുന്നതിന് മുമ്പ് ഇത് കുടിക്കുന്നത് നല്ലതാണ്.


എല്ലാ ദിവസവും രാവിലെ ഇഞ്ചി ചായ

ഇഞ്ചി രക്തചംക്രമണം വർധിപ്പിക്കുകയും ഹൃദയാരോഗ്യത്തിന് സംഭാവന നൽകുകയും ചെയ്യുന്ന ഇനമാണ്. ജിഞ്ചർ ടീ അഥവാ ഇഞ്ചി ചായ രക്തപ്രവാഹം സുഗമമാക്കാൻ സഹായിക്കും. ഇഞ്ചിയുടെ കഷ്ണങ്ങൾ ചൂടുവെള്ളത്തിൽ കുറച്ചുനേരം മുക്കി ഇഞ്ചി ചായ തയ്യാറാക്കാം. ഒരു തുള്ളി തേൻ ചേർക്കുന്നത് രുചി വർധിപ്പിക്കും.


കറുവപ്പട്ട വെള്ളം

വൈവിധ്യമാർന്ന ആരോഗ്യ ഗുണങ്ങൾക്ക് പേരുകേട്ട സുഗന്ധവ്യഞ്ജനമായ കറുവപ്പട്ടയ്ക്ക് രക്തചംക്രമണം വർധിപ്പിക്കുന്ന സവിശേഷമായ ഗുണമുണ്ട്. കറുവപ്പട്ട വെള്ളം രക്തത്തിലെ പഞ്ചസാര നിയന്ത്രിക്കാനും രക്തചംക്രമണം വർദ്ധിപ്പിക്കാനും സഹായിക്കും. ഒരു കറുവപ്പട്ട ഏകദേശം 10-15 മിനുട്ട് വെള്ളത്തിൽ തിളപ്പിക്കുക, അരിച്ചെടുത്ത് ചൂടോടെയോ തണുപ്പിച്ചോ കുടിക്കാം.


ബീറ്റ്റൂട്ട് ജ്യൂസ്

ബീറ്റ്‌റൂട്ട് ജ്യൂസിന് രക്തചംക്രമണം വർധിപ്പിക്കാനും രക്തസമ്മർദം നിയന്ത്രിക്കാനും കഴിയും. ബീറ്റ്റൂട്ട് ജ്യൂസ് പതിവായി കുടിക്കുന്നത് ഹൃദയാഘാത സാധ്യതകളും മറ്റ് ഹൃദയ സംബന്ധമായ അസുഖങ്ങളും ഗണ്യമായി കുറയ്ക്കും.


വിറ്റാമിൻ-സി സമ്പുഷ്ടമായ നെല്ലിക്ക ജ്യൂസ്

നെല്ലിക്കയിൽ ഉയർന്ന അളവിൽ ആൻ്റിഓക്‌സിഡൻ്റുകളും വിറ്റാമിൻ സിയും അടങ്ങിയിട്ടുണ്ട്, ഇത് രക്തചംക്രമണം മെച്ചപ്പെടുത്താനും സഹായിക്കുന്നു. രോഗപ്രതിരോധശേഷിയും ഹൃദയാരോഗ്യവും വർധിപ്പിക്കാൻ കഴിയുന്ന മികച്ച ആയുർവേദ പ്രതിവിധിയാണ് നെല്ലിക്ക ജ്യൂസ്. വിദഗ്ധരുടെ അഭിപ്രായത്തിൽ, പതിവായി കുടിക്കുന്നത് രക്തം കട്ടപിടിക്കുന്നത് തടയുകയും സ്ട്രോക്ക് അപകടസാധ്യത കുറയ്ക്കുകയും ചെയ്യുന്നു.


എല്ലാ ദിവസവും രാവിലെ അശ്വഗന്ധ ചായ

സമ്മർദം കുറക്കാനും രക്തചംക്രമണം മെച്ചപ്പെടുത്താനും സഹായിക്കുന്ന ഗുണങ്ങളാൽ നിറഞ്ഞ മികച്ച ആയുർവേദ സസ്യമാണ് അശ്വഗന്ധ. അജഗന്ധ, അസുഗന്ധി, അമുക്കുര എന്ന പേരിലെല്ലാം ഈ ഔഷധം അറിയപ്പെടുന്നു. അശ്വഗന്ധ ചായ നിങ്ങളുടെ ഹൃദയാരോഗ്യവും ധമനികൾക്കുള്ളിലെ രക്തചംക്രമണവും വർധിപ്പിക്കും. ഒരു കപ്പ് വെള്ളം തിളപ്പിച്ച് അതിൽ അശ്വഗന്ധ വേര് പൊടിച്ചിട്ടാൽ മതി. ഈ പാനീയം അരിച്ചെടുത്ത് നിങ്ങളുടെ സാധാരണ ചായ പോലെ കുടിക്കാം.


വെറും വയറ്റിൽ തുളസി ചായ

തുളസി എണ്ണമറ്റ രോഗശാന്തി ഗുണങ്ങളാൽ ആയുർവേദത്തിൽ ആദരിക്കപ്പെടുന്ന ഒരു സസ്യമാണ്. തുളസി ചായ രക്ത ശുദ്ധീകരണത്തിന് സഹായിക്കുകയും രക്തചംക്രമണം വർദ്ധിപ്പിക്കുകയും ചെയ്യുന്നു. പതിവായി കുടിക്കുന്നത് നിങ്ങളുടെ ഹൃദയത്തെ ശക്തിപ്പെടുത്തുകയും ഹൃദയാഘാതവും മറ്റ് ഹൃദയ സംബന്ധമായ തകരാറുകളും കുറയ്ക്കുകയും ചെയ്യുന്നു.

ഈ ഏഴ് ആയുർവേദ പാനീയങ്ങൾ ഉപയോഗിച്ച് നിങ്ങളുടെ ദിനചര്യ മെച്ചപ്പെടുത്തുന്നത് സ്വാഭാവികമായും രക്തചംക്രമണം വർദ്ധിപ്പിക്കുകയും സ്ട്രോക്ക് അപകടസാധ്യത കുറയ്ക്കുകയും ചെയ്യുമെന്ന് ആരോഗ്യ വിദഗ്ധർ പറയുന്നു. പുറമെ, ആരോഗ്യകരമായ ജീവിതശൈലിയിൽ ഉറച്ചുനിൽക്കുക, ശാരീരിക പ്രവർത്തനങ്ങൾ, സമീകൃതാഹാരം എന്നിവയും പ്രധാനമാണ്. എന്നിരുന്നാലും ആരോഗ്യ പ്രശ്‌നങ്ങൾ ഉള്ളവർ ഡോക്ടറുടെ നിർദേശ പ്രകാരം മാത്രം ഈ ആയുർവേദ പാനീയങ്ങൾ ഉപയോഗിക്കുക.