BCCI President | 'ബിസിസിഐ പ്രസിഡന്റായി സൗരവ് ഗാംഗുലിക്ക് രണ്ടാമതും അവസരം ലഭിക്കാത്തത് ബിജെപിയിൽ ചേരാത്തത് കൊണ്ട്'; ആരോപണവുമായി തൃണമൂൽ കോൺഗ്രസ്; 'ജയ് ഷാ വീണ്ടും സെക്രടറിയാവുന്നത് ഉദാഹരണം

                                               
ആഭ്യന്തര മന്ത്രി അമിത് ഷായുടെ മകൻ ജയ് ഷായ്ക്ക് ബിസിസിഐ സെക്രടറിയായി രണ്ടാം തവണയും തുടരാമെന്നത് രാഷ്ട്രീയ പകപോക്കലിന്റെ ഉദാഹരണമാണെന്ന് തൃണമൂൽ കോൺഗ്രസ് പറഞ്ഞു. ഗാംഗുലിയെ പിന്തുണച്ചുകൊണ്ട് തൃണമൂൽ എംപി സന്താനു സെൻ, എന്തുകൊണ്ടാണ് ബിസിസിഐ പ്രസിഡന്റിന് രണ്ടാം അവസരം ലഭിക്കാത്തതെന്ന് ചോദിച്ചു. എന്നാൽ ഗാംഗുലിയെ പാർടിയിൽ ചേർക്കാൻ ശ്രമിച്ചിട്ടില്ലെന്നും ആരോപണങ്ങൾ അടിസ്ഥാനരഹിതമെന്നും ബിജെപി വ്യക്തമാക്കി.

1983 ലോകകപ് നേടിയ ടീമിലെ അംഗമായ റോജർ ബിന്നി ചൊവ്വാഴ്ച ബിസിസിഐ പ്രസിഡന്റ് സ്ഥാനത്തേക്ക് നാമനിർദേശ പത്രിക സമർപിച്ചു, ഒക്ടോബർ 18 ന് മുംബൈയിൽ നടക്കുന്ന ബോർഡിന്റെ വാർഷിക പൊതുയോഗത്തിൽ അദ്ദേഹം എതിരില്ലാതെ തെരഞ്ഞെടുക്കപ്പെടുമെന്നാണ് വിവരം. ജയ് ഷായും നാമനിർദ്ദേശ പത്രിക സമർപിച്ചിട്ടുണ്ട്, മറ്റൊരു സ്ഥാനാർഥി ഇല്ലെങ്കിൽ തുടർചയായി രണ്ടാം തവണയും ബിസിസിഐ സെക്രടറിയായി തുടരും. ഐസിസി ബോർഡിൽ ഇൻഡ്യയുടെ പ്രതിനിധിയായി ഗാംഗുലിക്ക് പകരം ജയ് ഷാ എത്തുമെന്നാണ് റിപോർട്.