എസ്.കെ.എസ്.എസ്.എഫ് വിമോചന യാത്രക്ക് തുടക്കമായി

മംഗലാപുരം: ആത്മീയ ചൂഷണത്തിനെതിരെ ജിഹാദ് എന്ന പ്രമേയവുമായി എസ്.കെ.എസ്.എസ്.എഫ് സംസ്ഥാന കമ്മിറ്റി സംഘടിപ്പിക്കുന്ന വിമോചന യാത്രക്ക് പ്രൗഢോജ്വല തുടക്കം. മംഗലാപുരം നെഹ്‌റു മൈതാനത്തില്‍ സമസ്ത കേരള ജംഇയ്യത്തുല്‍ ഉലമ സെക്രട്ടറി കോട്ടുമല ടി.എം ബാപ്പു മുസ്‌ലിയാര്‍ ഉദ്ഘാടനം നിര്‍വഹിച്ചതോടെയാണ് രണ്ടാഴ്ചക്കാലം നീണ്ടു നില്‍ക്കുന്ന യാത്രക്ക് തുടക്കമായത്.
വിമോചന യാത്രയുടെ ഉദ്ഘാടന സംഗമത്തിന് സാക്ഷികളാകാന്‍ നൂറുകണക്കിനാളുകളാണ് നെഹ്‌റു മൈതാനിയിലേക്ക് ഒഴുകിയെത്തിയത്.

പാണക്കാട് സയ്യിദ് അബ്ബാസലി ശിഹാബ് തങ്ങള്‍ പ്രാര്‍ത്ഥന നടത്തി. ത്വാഖാ അഹ്മദ് മുസ്‌ലിയാര്‍ അധ്യക്ഷത വഹിച്ചു. ജാഥാ ക്യാപ്റ്റന്‍ അബ്ദുല്‍ ഹമീദ് ഫൈസി അമ്പലക്കടവ്, ഓണംപിള്ളി മുഹമ്മദ് ഫൈസി, നാസര്‍ ഫൈസി കൂടത്തായ്, സലീം ഫൈസി ഇര്‍ഫാനി, ഇസ്മാഈല്‍ സഖാഫി തോട്ടുമുക്കം, ജബ്ബാര്‍ മുസ്‌ലിയാര്‍, കാസിം മുസ്‌ലിയാര്‍, മലയമ്മ മുഹമ്മദ് സഖാഫി, ഐ. മൊയ്തീന്‍ ഹബ്ബ ഹാജി, ശാഹുല്‍ ഹമീദ് ഹാജി മെട്രോ, റഹീം ചുഴലി, അയ്യൂബ് കൂളിമാട്, നവാസ് പൂനര്‍, ഇസ്മാഈല്‍ ഹാജി എടച്ചേരി, റശീദ് ഫൈസി വെള്ളായിക്കോട്, റഷീദ് ബെളിഞ്ചം, ഒ.പി അശ്‌റഫ്, ഉമറുല്‍ ഫാറൂഖ് തങ്ങള്‍, ടി.എം ശഹീദ്, അബ്ബാസ് ദാരിമി, അബ്ദുല്‍ ഖാദിര്‍ ദാരിമി, സലീം ഫൈസി ഇര്‍ഫാനി, ഇസ്മാഈല്‍ സഖാഫി തോട്ടുമുക്കം തുടങ്ങിയവര്‍ സംബന്ധിച്ചു.