'സമൂഹത്തിലെ ദുര്ബല വിഭാഗങ്ങള്ക്ക് നീതി ഉറപ്പാക്കണം'; രാജ്യത്തെ നടുക്കിയ നിര്ഭയ, ഹാഥ്റസ് കേസുകള് വാദിച്ച സുപ്രീംകോടതി അഭിഭാഷക സീമ കുശ്വാഹ ബി എസ് പിയില്
Jan 21, 2022, 10:59 IST
ലക്നൗ: (www.kvartha.com 21.01.2022) ഉത്തര്പ്രദേശ് തിരഞ്ഞെടുപ്പിന് തൊട്ടുമുന്പ് പ്രമുഖ അഭിഭാഷക സീമ കുശ്വാഹ ബഹുജന് സമാജ്വാദി പാര്ടിയിലേക്ക്. ലക്നൗവില് ബി എസ് പി ദേശീയ ജെനെറല് സെക്രടറി സതീഷ് ചന്ദ്ര മിശ്രയുടെ സാന്നിധ്യത്തിലായിരുന്നു സീമയുടെ പാര്ടി പ്രവേശനം. അംഗത്വം സ്വീകരിച്ചതിന് പിന്നാലെ, സമൂഹത്തിലെ ദുര്ബല വിഭാഗങ്ങള്ക്ക് നീതി ഉറപ്പാക്കാനാണ് താന് പാര്ടിയില് ചേര്ന്നതെന്ന് സീമ പറഞ്ഞു.
രാജ്യത്തെ നടുക്കിയ നിര്ഭയ, ഹാഥ്റസ് കേസുകള് വാദിച്ച സുപ്രീംകോടതി അഭിഭാഷകയാണ് സീമ. മാത്രമല്ല, നിര്ഭയ ജ്യോതി ട്രസ്റ്റിന്റെ സ്ഥാപക കൂടിയാണ് സീമ കുശ്വാഹ. ലൈംഗികമായി പീഡിപ്പിക്കപ്പെട്ട പെണ്കുട്ടികള്ക്ക് നീതി ഉറപ്പാക്കാനായി കാംപയിനും ഇവരുടെ നേതൃത്വത്തില് ആരംഭിച്ചിരുന്നു.
ഫെബ്രുവരി 10 നാണ് ഉത്തര്പ്രദേശില് ആദ്യഘട്ട തിരഞ്ഞെടുപ്പ്. ബുധനാഴ്ച മായാവതിയുടെ നേതൃത്വത്തിലുള്ള ബി എസ് പി ആദ്യ ഘട്ട സ്ഥാനാര്ഥി പട്ടിക പ്രഖ്യാപിച്ചിരുന്നു. 53 സ്ഥാനാര്ഥികളെയാണ് ബി എസ് പി പ്രഖ്യാപിച്ചത്.
Keywords: News, National, India, Lucknow, Lawyer, Politics, Political party, Election, Assembly Election, Seema Kushwaha, lawyer who fought for Nirbhaya, Hathras rape victims, joins BSP ahead of UP pollsबहुजन समाज में जन्मे सभी पूज्य संत व महापुरुषों एवं आदरणीय बहन सुश्री @Mayawati जी के विचारों से प्रेरित होकर, महिलाओं को न्याय दिलाने व उनके अधिकारों के लिए सदैव संघर्ष करने वाली सीमा कुशवाहा जी ने आज @bspindia की सदस्यता ग्रहण की। pic.twitter.com/kNGRKBvehn
— Satish Chandra Misra (@satishmisrabsp) January 20, 2022
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
