Sarath Babu | 3 ദിവസമായി വെന്റിലേറ്ററില്; പ്രമുഖ ചലച്ചിത്ര താരം ശരത് ബാബു ഗുരുതരാവസ്ഥയിലെന്ന് റിപോര്ട്
Apr 24, 2023, 13:46 IST
ADVERTISEMENT
ഹൈദരാബാദ്: (www.kvartha.com) ആശുപത്രിയില് പ്രവേശിപ്പിച്ച പ്രമുഖ തെലുങ്ക് ചലച്ചിത്ര താരം ശരത് ബാബു ഗുരുതരാവസ്ഥയിലെന്ന് റിപോര്ട്. 71കാരനായ താരം മൂന്നു ദിവസമായി ഹൈദരാബാദിലെ എഐജി ആശുപത്രിയില് വെന്റിലേറ്ററില് കഴിയുകയാണ്. വൃക്ക, ശ്വാസകോശം, കരള് തുടങ്ങിയ അവയവങ്ങളില് അണുബാധയുണ്ടായതിനാല് ഇവയുടെ പ്രവര്ത്തനം തകരാറിലായതായാണ് വിവരം.
അണുബാധയെ തുടര്ന്ന് ആരോഗ്യാവസ്ഥ വഷളായ ശരത് ബാബുവിനെ ഏപ്രില് 20നാണ് ബെംഗ്ളൂറില് നിന്ന് ഹൈദരാബാദിലെ ആശുപത്രിയിലേക്ക് കൊണ്ടുവന്നത്. കഴിഞ്ഞ ഏതാനും ആഴ്ചകള്ക്കിടയില് ഇത് രണ്ടാം തവണയാണ് അദ്ദേഹത്തെ ആശുപത്രിയില് പ്രവേശിപ്പിച്ചത്. നേരത്തെ ചെന്നൈയിലെ ആശുപത്രിയില് ചികിത്സയിലായിരുന്നു.
ശരപഞ്ചരം, ധന്യ, ഡെയ്സി എന്നീ സിനിമകളിലൂടെ മലയാളികള്ക്ക് സുപരിചിതനായ അദ്ദേഹം വിവിധ ഭാഷകളിലായി 200ല് അധികം സിനിമകളില് വേഷമിട്ടിട്ടുണ്ട്. 1973ല് സിനിമയിലെത്തിയ അദ്ദേഹം തെലുങ്കിന് പുറമേ മലയാളം, കന്നട, തമിഴ്, ഹിന്ദി ഭാഷകളിലെ ചിത്രങ്ങളില് അദ്ദേഹം അഭിനയിച്ചിട്ടുണ്ട്.
Keywords: News, National, National-News, Health-News, Actor, Health, Hospital, Treatment, Sarath Babu health condition today news: Veteran actor critical with multi-organ damage.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
