Robert Vadra | എരിതീയിൽ എണ്ണ ഒഴിക്കുന്നുവോ റോബർട്ട് വാദ്ര? അമേഠിയിൽ കോൺഗ്രസിന് അഗ്നിപരീക്ഷണം

അമേഠിയിൽ രാഹുൽ ഗാന്ധിയോ പ്രിയങ്കാ ഗാന്ധിയോ മത്സരിക്കണമെന്ന നിലപാടിലായിരുന്നു ഉത്തർ പ്രദേശ് പിസിസി. എന്നാൽ റോബർട്ട് വാദ്ര മത്സരിക്കാൻ താത്പര്യം പരസ്യമാക്കിയതോടെ ഹൈക്കമാൻഡ് വെട്ടിലായിരിക്കുകയാണ്. കുടുംബാധിപത്യ പാർട്ടി എന്ന ബിജെപിയുടെ ആരോപണത്തിന് ഈ നീക്കം കൂടുതൽ കരുത്ത് പകരുമെന്ന ആശങ്കയും മുതിർന്ന നേതാക്കൾക്കുണ്ട്. പ്രിയങ്ക ഗാന്ധിയുടേയും രാഹുൽ ഗാന്ധിയുടേയും മനസറിഞ്ഞുള്ള തീരുമാനമെടുക്കാനാണ് ഇക്കാര്യത്തിൽ കോൺഗ്രസ് തയ്യാറെടുക്കുന്നത്.

പല നേതാക്കളും നേതൃത്വവുമായി ഇടഞ്ഞ് പാർട്ടി വിട്ട് പോകുന്ന പശ്ചാതലത്തിൽ വാദ്രയുടെ രംഗപ്രവേശം പാർട്ടിയിൽ വലിയ പൊട്ടിത്തെറിക്ക് കാരണമാകുമോയെന്നും ചില നേതാക്കൾക്ക് ആശങ്കയുണ്ട്. കഴിഞ്ഞ തെരഞ്ഞെടുപ്പിൽ സ്മൃതി ഇറാനിയിലൂടെ അമേഠി പിടിച്ചെടുത്ത ബിജെപി ഈ തെരഞ്ഞെടുപ്പിൽ റായ്ബറേലി കൂടി പിടിച്ചെടുക്കാനാണ് ലക്ഷ്യമിടുന്നത്. ഇവിടെ കോൺഗ്രസ് സ്ഥാനാർത്ഥി നിർണ്ണയം വൈകുന്ന സാഹചര്യത്തിലാണ് ബിജെപിയുടെ സ്ഥാനാർത്ഥി പ്രഖ്യാപനവും വൈകുന്നത്.

അമേഠിയിൽ വാദ്ര സ്ഥാനാർത്ഥിയായാൽ അതിലൂടെ കോൺഗ്രസിനെ കടന്നാക്രമിക്കാമെന്ന കണക്ക് കൂട്ടലിലാണ് ബിജെപി. നേരത്തെ റോബർട്ട് വാദ്രയ്ക്കെതിരെ അനധികൃത സ്വത്തു സമ്പദാന കുറ്റത്തിന് ആദായ നികുതി അന്വേഷണം നടത്തിയിരുന്നു.

Keywords:  News, News-Malayalam-News, National, National-News , Election-News, Lok-Sabha-Election-2024, Robert Vadra Hints At Contesting Lok Sabha Polls.