Bubonic plague | 14-ാം നൂറ്റാണ്ടിൽ അഞ്ച് കോടി ആളുകളെ കൊന്നൊടുക്കിയ രോഗം വീണ്ടും; മാരകമായ ബ്യൂബോണിക് പ്ലേഗ് അമേരിക്കയിൽ സ്ഥിരീകരിച്ചു; എന്താണ് ഈ മഹാരോഗം, എത്രത്തോളം അപകടകരമാണ്, കൂടുതൽ അറിയാം

മാരകം ബ്യൂബോണിക് പ്ലേഗ്

'ബ്ലാക്ക് ഡെത്ത്' അഥവാ കറുത്ത മരണം എന്നും അറിയപ്പെടുന്ന പ്ലേഗ്, മധ്യകാലഘട്ടത്തിൽ യൂറോപ്പിലെ ജനസംഖ്യയുടെ മൂന്നിലൊന്നിനെയെങ്കിലും കൊന്നൊടുക്കിട്ടുണ്ട്. 14-ാം നൂറ്റാണ്ടിൽ യൂറോപ്പിലുടനീളം വ്യാപിച്ച ബ്ലാക്ക് ഡെത്ത്, മനുഷ്യചരിത്രത്തിലെ ഏറ്റവും മാരകമായ പകർച്ചവ്യാധികളിൽ ഒന്നാണ്. 50 ദശലക്ഷത്തിലധികം ആളുകൾ രോഗബാധിതരായി മരിച്ചതായാണ് റിപ്പോർട്ട്. അന്നു കൂട്ടത്തോടെ ഒന്നിനു പിറകെ ഒന്നായി മൃതദേഹങ്ങൾ കൂട്ടിയിട്ടാണു ലണ്ടനിൽ മറവു ചെയ്തിരുന്നത്. എന്നിരുന്നാലും, ഇതിനുശേഷം, ഈ ബാക്ടീരിയയുടെ വളരെ കുറച്ച് കേസുകൾ മാത്രമാണ് റിപ്പോർട്ട് ചെയ്തിട്ടുള്ളത്, ഇപ്പോൾ ഇത് ചികിത്സിക്കാനും കഴിയും. അതേസമയം, അധികൃതർ ഇപ്പോഴും ആശങ്കയിലാണ്, ഇത് അത്യന്തം അപകടകരമാണെന്നതാണ് കാരണം.

ലക്ഷണങ്ങൾ

യെർസിന പെസ്റ്റിസ് എന്ന ബാക്ടീരിയ വഴിയാണ് ബ്യൂബോണിക് പ്ലേഗ് പടരുന്നത്. ലോകാരോഗ്യ സംഘടനയുടെ അഭിപ്രായത്തിൽ, മൃഗങ്ങൾക്കിടയിൽ പ്ലേഗ് പകരാനും മൃഗങ്ങളിൽ നിന്ന് മനുഷ്യരിലേക്കും പടരാനും കഴിയും. എന്നിരുന്നാലും, മനുഷ്യനിൽ നിന്ന് മനുഷ്യരിലേക്ക് അണുബാധ വളരെ അപൂർവമാണ്. പ്ലേഗ് മനുഷ്യനിൽ ബാധിക്കുന്നത് ഈച്ചകളുടെ കടിയേറ്റാണ്. രോഗം ബാധിച്ച മൃഗവുമായോ ഈച്ചയുമായോ സമ്പർക്കം പുലർത്തി എട്ട് ദിവസത്തിന് ശേഷമാണ് മനുഷ്യരിൽ പ്ലേഗിൻ്റെ ലക്ഷണങ്ങൾ പ്രത്യക്ഷപ്പെടാൻ തുടങ്ങുന്നതെന്ന് ആരോഗ്യ വിദഗ്ധർ പറയുന്നു.

ഈ ലക്ഷണങ്ങളിൽ പനി, ഓക്കാനം, ബലഹീനത, വിറയൽ, പേശി വേദന എന്നിവ ഉൾപ്പെടാം. വേഗത്തിൽ ചികിത്സിച്ചില്ലെങ്കിൽ, ബ്യൂബോണിക് പ്ലേഗ് മറ്റ് രണ്ട് ഗുരുതര അവസ്ഥകളായ സെപ്റ്റിസെമിക് പ്ലേഗ്,
ന്യുമോണിക് പ്ലേഗ് എന്നിവയായി മാറാം. രണ്ടും വളരെ ഗൗരവമുള്ളതാണ്. വളരെ ഗുരുതരം ആയേക്കാവുന്ന ഈ രോഗം തക്ക സമയത്ത് ചികിത്സിച്ചില്ലെങ്കിൽ മരണം സംഭവിക്കാം. ചികിത്സിച്ചില്ലെങ്കിൽ രോഗ മരണ നിരക്ക് 30 മുതൽ അറുപതു ശതമാനം ആണ്. രോഗലക്ഷണങ്ങൾ കണ്ടാൽ ഉടൻ തന്നെ ഡോക്ടറെ സമീപിക്കാൻ ശ്രദ്ധിക്കുക. < !- START disable copy paste -->