Rahul Gandhi | പുതിയ ഒരംഗം കൂടി കുടുംബത്തിലേക്ക്; അമ്മ സോണിയ ഗാന്ധിക്ക് സമ്മാനവുമായി രാഹുല്‍ ഗാന്ധി; വീഡിയോ സമൂഹ മാധ്യമങ്ങളില്‍ വൈറല്‍

നായക്കുഞ്ഞിനെ എടുക്കാന്‍ പോകുന്നത് മുതലുള്ള കാര്യങ്ങള്‍ വീഡിയോയിലുണ്ട്. ഗോവയില്‍ പബ്ലിക് ബസില്‍ യാത്ര ചെയ്യുന്ന രാഹുലിനെയും വീഡിയോയില്‍ കാണാം. യാത്രക്കാരില്‍ ചിലര്‍ അദ്ദേഹത്തോട് സംസാരിക്കുകയും ഫോടോ പകര്‍ത്തുകയുമെല്ലാം ചെയ്യുന്നുണ്ട്. തിരികെ വീട്ടിലെത്തിയ രാഹുല്‍ സോണിയക്ക് നായയെ സമ്മാനിക്കുകയാണ്. സോണിയയുടെ മറ്റൊരു വളര്‍ത്തുനായുമായി നൂറി കളിക്കുന്നതും മറ്റും വീഡിയോയില്‍ കാണാം. വീഡിയോ ഏറെ ഹൃദ്യമായിട്ടുണ്ട് എന്നാണ് മിക്കവരും കമന്റ് ചെയ്തിരിക്കുന്നത്.

നോര്‍ത് ഗോവയില്‍ ശിവാനി പിത്രെയയും ഭര്‍ത്താവ് സ്റ്റാന്‍ലി ബ്രഗാന്‍കയും നടത്തുന്ന മപുസയിലെ കെന്നലില്‍ നിന്നാണ് രാഹുല്‍ നായ്ക്കുട്ടിയെ സ്വന്തമാക്കിയത്. ഇതേ ഇനത്തില്‍പെട്ട ഒരു നായ്ക്കുട്ടിയെ രാഹുല്‍ നേരത്തേ സ്വന്തമാക്കിയിരുന്നു. ഇവിടെ സന്ദര്‍ശനം നടത്തിയ രാഹുല്‍ രണ്ടു നായ്ക്കുട്ടികളെ തിരഞ്ഞെടുത്തിരുന്നു.

എന്നാല്‍ വിമാനത്തില്‍ ഒരു വ്യക്തിക്കൊപ്പം ഒരു നായയെ മാത്രമേ അനുവദിക്കൂ എന്നതിനാല്‍ ഇവയില്‍ ഒന്നിനെ മാത്രമാണ് രാഹുല്‍ അന്ന് തന്റെ ഒപ്പം കൊണ്ടുപോയത്. രണ്ടാമത്തേതിനെ അദ്ദേഹത്തിന് അയച്ചുകൊടുക്കുമെന്നും ദമ്പതികള്‍ പറഞ്ഞിരുന്നു. ആ നായ്ക്കുട്ടിയെയാണ് സോണിയയ്ക്ക് സമ്മാനിച്ചതെന്നാണ് വിവരം.