Karnataka Election | കര്‍ണാടക നിയമസഭ തെരഞ്ഞെടുപ്പില്‍ വോടെണ്ണല്‍ പുരോഗമിക്കുന്നു; ഹനുമാന്‍ ക്ഷേത്രത്തില്‍ ദര്‍ശനം നടത്തി പ്രിയങ്ക ഗാന്ധി
May 13, 2023, 11:51 IST
ADVERTISEMENT
ഷിംല: (www.kvartha.com) കര്‍ണാടകയില്‍ വോടെണ്ണല്‍ നടക്കുന്നതിനിടെ കോണ്‍ഗ്രസ് നേതാവ് പ്രിയങ്ക ഗാന്ധി വധേര രാവിലെ ഷിംലയിലെ ക്ഷേത്രത്തില്‍ ദര്‍ശനം നടത്തി. ഷിംലയിലെ ജഖുവിലെ ഹനുമാന്‍ ക്ഷേത്രത്തിലാണ് പ്രിയങ്ക ഗാന്ധി പ്രാര്‍ഥനയ്ക്കായി എത്തിയത്. ഇന്‍ഡ്യയുടെയും കര്‍ണാടകയുടെയും സമാധാനത്തിനും അഭിവൃദ്ധിക്കും വേണ്ടി പ്രിയങ്ക പ്രാര്‍ഥിക്കുകയായിരുന്നുവെന്ന് കോണ്‍ഗ്രസ് നേതാക്കള്‍ പറഞ്ഞു.
നിയമസഭ തെരഞ്ഞെടുപ്പില്‍ വോടെണ്ണല്‍ പുരോഗമിക്കെ, ബി ജെ പിക്കെതിരെ വ്യക്തമായ ലീഡുമായി കോണ്‍ഗ്രസ് മുന്നേറുകയാണ്. 224 അംഗ നിയമസഭയില്‍ 130ലേറെ സീറ്റുകള്‍ നേടാനാകുമെന്നാണ് കോണ്‍ഗ്രസിന്റെ കണക്കുകൂട്ടല്‍.
ഇതിനിടെ നേതാക്കളുടെ ക്ഷേമത്തിനായി ഡെല്‍ഹിയിലെ എഐസിസി ഓഫീസിന് മുന്നില്‍ യാഗം നടക്കുന്നു. കരോള്‍ബാഗ് കോണ്‍ഗ്രസ് കമിറ്റിയുടെ നേതൃത്വത്തില്‍ ആണ് യാഗം നടക്കുന്നത്. ഗാന്ധി കുടുംബത്തിന്റെയും, കര്‍ണാടക നേതാക്കളുടെയും ക്ഷേമത്തിനും, തെരഞ്ഞെടുപ്പ് വിജയത്തിനുമായാണ് എഐസിസിക്ക് പുറത്ത് യാഗം നടത്തുന്നത്.
#WATCH | Congress General Secretary Priyanka Gandhi Vadra offers prayers at Shimla's Jakhu temple pic.twitter.com/PRH47u36Zm
— ANI (@ANI) May 13, 2023
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
