Partial solar eclipse | രാജ്യത്തിന്റെ വിവിധ ഭാഗങ്ങളില്‍ ഭാഗിക സൂര്യഗ്രഹണം ദൃശ്യമായി

ന്യൂഡെല്‍ഹി: (www.kvartha.com) രാജ്യത്തിന്റെ വിവിധ ഭാഗങ്ങളില്‍ ഭാഗിക സൂര്യഗ്രഹണം ദൃശ്യമായി. ന്യൂഡെല്‍ഹി, മുംബൈ, ഹൈദരാബാദ്, ബെംഗ്ലൂര്‍, ചെന്നൈ, കൊല്‍കത, ഭോപാല്‍, ചണ്ഡീഗഢ് എന്നിങ്ങനെ പ്രധാന നഗരങ്ങളിലെല്ലാം ഭാഗിക സൂര്യഗ്രഹണം ദൃശ്യമായി. ന്യൂഡെല്‍ഹിയില്‍ വൈകുന്നേരം 4.29 നാണ് ഗ്രഹണം ദൃശ്യമായത്.


ഗ്രഹണത്തോട് അനുബന്ധിച്ച് ക്ഷേത്രങ്ങള്‍ അടച്ചിട്ടു. കേദാര്‍നാഥ്, ബദരീനാഥ് ക്ഷേത്രങ്ങളക്കം അടച്ചിട്ടു. ഗ്രഹണത്തിനുശേഷം തുറക്കും. ഇന്‍ഡ്യയ്ക്കു പുറമേ യൂറോപ്, വടക്കന്‍ ആഫ്രിക, മധ്യപൂര്‍വേഷ്യ, ഏഷ്യയുടെ പടിഞ്ഞാറന്‍ ഭാഗങ്ങള്‍ എന്നിവിടങ്ങളിലും ദൃശ്യമാകുമെന്നും അധികൃതര്‍ പറഞ്ഞു. നവംബര്‍ എട്ടിന് ചന്ദ്രഗ്രഹണവും ദൃശ്യമാകും.

എന്താണ് സൂര്യഗ്രഹണം?

സൂര്യനും ഭൂമിക്കും ഇടയില്‍ നേര്‍രേഖയില്‍ വരുന്ന ചന്ദ്രബിംബം സൂര്യബിംബത്തെ അല്‍പനേരത്തേക്കു പൂര്‍ണമായോ ഭാഗികമായോ മറയ്ക്കുന്നതാണു സൂര്യഗ്രഹണം. സമ്പൂര്‍ണ സൂര്യഗ്രഹണസമയത്ത്, സൂര്യനും ചന്ദ്രനും ഭൂമിയും പൂര്‍ണമായി വിന്യസിക്കുകയും സൂര്യന്റെ മുഴുവന്‍ ഡിസ്‌കും ചന്ദ്രന്‍ മൂടുകയും ചെയ്യുന്നു. ഭാഗിക സൂര്യഗ്രഹണ സമയത്ത് ഇവ മൂന്നും പൂര്‍ണമായി വിന്യസിക്കപ്പെടുന്നില്ല, അതിനാല്‍ സൂര്യന്റെ ഒരു ഭാഗം മാത്രമേ ചന്ദ്രനാല്‍ മൂടപ്പെട്ടിട്ടുള്ളൂ.

സൂര്യഗ്രഹണം ഒരിക്കലും നഗ്‌ന നേത്രങ്ങള്‍കൊണ്ടു വീക്ഷിക്കരുത്. ഇതു കാഴ്ചശക്തിയെ ബാധിച്ചേക്കും.

#WATCH पश्चिम बंगाल: आंशिक सूर्य ग्रहण चल रहा है, जो पूर्वोत्तर के कुछ हिस्सों को छोड़कर भारत के अधिकांश हिस्सों में दिखा। वीडियो कोलकाता का है जहां खूबसूरत सूर्यास्त देखा गया।#SuryaGrahan pic.twitter.com/yHGN0dkhEL

— ANI_HindiNews (@AHindinews) October 25, 2022

Keywords: Partial solar eclipse wows India | See pics, videos, New Delhi, News, Media, Report, National.