അതിര്‍ത്തി കടന്ന് ഇന്‍ഡ്യയിലെത്തിയ പാക് സ്വദേശിയായ 15കാരന്‍ പിടിയില്‍; വീട്ടില്‍നിന്ന് വഴക്കിട്ട് പോന്നതാണെന്നാണ് ബാലന്‍
Aug 3, 2021, 12:10 IST
ADVERTISEMENT
അഹമ്മദാബാദ്: (www.kvartha.com 03.08.2021) അതിര്‍ത്തി കടന്നെത്തിയ കൗമാരക്കാരന്‍ പിടിയില്‍. അതിര്‍ത്തി കടന്ന് ഇന്‍ഡ്യയിലെത്തിയ പാക് സ്വദേശിയായ കൗമാരക്കാരനാണ് പിടിയിലായത്. ഗുജറാത്തിലെ കച് ജില്ലയിലെ ഖവ്ദയിലെ അന്താരാഷ്ട്ര അതിര്‍ത്തി കടന്നാണ് കൗമാരക്കാരന്‍ ഇന്‍ഡ്യയിലെത്തിയത്.
അതിര്‍ത്തി കടന്നെത്തിയ 15കാരനായ ബാലനെ ബി എസ് എഫ് ആണ് പിടികൂടിയത്. പാകിസ്താനിലെ സിന്ധ് പ്രവിശ്യയിലെ താര്‍പാര്‍ക്കര്‍ ജില്ലയിലാണ് 15കാരന്റെ താമസം. പ്രാഥമിക ചോദ്യം ചെയ്യലില്‍, വീട്ടില്‍നിന്ന് വഴക്കിട്ട് പോന്നതാണെന്നാണ് ബാലന്‍ ഉദ്യോഗസ്ഥരോട് പറഞ്ഞത്. മെഡികല്‍ പരിശോധനകള്‍ക്ക് ശേഷം 15കാരനെ പൊലീസിന് കൈമാറും.
നേരത്തെയും ഇത്തരം സംഭവങ്ങള്‍ ഉണ്ടായിരുന്നു. വഴി തെറ്റിയും വഴക്കിട്ടും അതിര്‍ത്തി കടന്നെത്താറുണ്ട്. സമാനമായി ഏപ്രിലില്‍ അതിര്‍ത്തി കടന്നെത്തിയ എട്ടുവയസുകാരനെ പാകിസ്താനിലേക്ക് തന്നെ തിരികെ അയച്ചിരുന്നു.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
